مەكتەبی سیاسی پارتی سەرەخۆشی لە خانەوادەی شەکر عەبدال شێخکی دەكات
بەڕێزان خانەوادەی شەکر عەبدال شێخکی
خەمباربووین بە بیستنی هەواڵی كۆچی دوایی کەسایەتی تێکۆشەر و پێشمەرگەی ھەردوو شۆڕشی مەزنی ئەیلول و گوڵان، خوالێخۆشبوو (شەکر عەبدال شێخکی).
بەو بۆنە خەمناکەوە پرسە و سەرەخۆشی خۆمان ئاراستەی بنەماڵە تێکۆشەر و کوردپەروەرەکەتان و خزم و دۆست و ئاشنایانی خوالێخۆشبوو دەكەین و، ھاوبەشی خەمتانین.
لەخودای گەورە داواكارین سەبووری و ئارامی بەهەموو لایەك ببەخشێت و گیانی كۆچكردوویش بەبەهەشتی بەرین شاد بكات..
انا لله وانا الیه راجعون
مەكتەبی سیاسی
پارتی دیموكراتی كوردستان
