پارتی سەرەخۆشیی لە خانەوادەی لیوا عەبدوڵڵا تەھا مستەفا دەکات
بەڕێزانی خانەوادەی خوالێخۆشبوو لیوا عەبدوڵڵا تەھا مستەفا
خەمباربووین بە بیستنی هەواڵی كۆچی دوایی تێکۆشەر و پێشمەرگەی شۆڕشی مەزنی ئەیلول لیوا (عەبدوڵڵا تەھا مستەفا). بەو بۆنە خەمناکەوە پرسە و سەرەخۆشی خۆمان ئاراستەی ئێوەی بەڕێز و تەواوی خانەوادە و کەسوکارتان دەكەین و ھاوبەشی خەمتانین.
خوالێخۆشبوو (عەبدوڵڵا تەھا) پێشمەرگەیەکی دڵسۆز و وەفاداری وڵات و رێبازەکەی بوو و ھەر لەسەرەتای ھەڵگریسانی شۆڕشی مەزنی ئەیلولەوە بەبێ دابڕان بەردوامبوو لە خەبات و خزمەت تا ماڵئاواییکردنی لەژیان، ھیوادارین ھاوخەمی ھەڤاڵ و ھاوسەنگەرانی ببێتە مایەی دڵنەوایی و سەبوری بنەماڵە تێکۆشەرەکەتان و لەخەم و خەفەتتان کەم بکاتەوە.
جارێكی دیكە پرسە و سەرەخۆشیمان دووپات دەكەینەوە و ئومێدەوارین لە خەم و ئازار و كۆستی دیكە بە دوور بن و خوای گەورە گیانی خوالێخۆشبوو بە بەھەشتی بەرین شادبکات.
انا لله وانا الیه راجعون
مەكتەبی سیاسی
پارتی دیموكراتی كوردستان
