پرسەنامەی مەكتەبی سیاسی پارتی دیموكراتی كوردستان بۆ كۆچی دوایی پرۆفیسۆر (عیزەددین مستەفا رەسووڵ)
بەڕێز خانەوادەی رۆشنبیر و نووسەری ناوداری گەلەكەمان پرۆفیسۆر(عیزەددین مستەفا رەسووڵ)
بەداخ وپەژارەیەكی زۆرەوە هەواڵی كۆچی دوایی مامۆستای زانكۆ و كەسایەتی رۆشنبیریی و ناوداری گەلەكەمان(پرۆفیسۆر عیزەددین مستەفا رەسووڵ)مان بیست، بەو بۆنەیەوە پرسە و سەرەخۆشی خۆمان ئاراستەی ئێوەی بەڕێز و كەس وكار و بنەماڵەكەتان دەكەین.
كۆچی دوایی ئەو ئەدیب و نوسەرە پێشكەوتنخوازە، كە خاوەنی بەدەیان كتێب و لێكۆڵینەوەی بوارەجیاجیاكانی مەعریفی بوو، خەسارەتێكی گەورەیە لە بواری ئەكادیمی و رۆشنبیریی و ئەدەبیی، بۆیە گەلەكەمان گەنجینەیەكی دیكەی بەنرخی لەدەستداو كەلێنێكی دیاریش كەوتە نێو بواری ئەدەب وكوولتوری نەتەوەکەمان..هیواخوازین هاوخەمیی هاونیشتیمانیان و دڵسۆزان و هۆگرانی بەرهەمەكانی خوالێخۆشبوو ببێتە مایەی دڵنەوایی و سەبووریتان و لە خە م و خەفەتتان كەم بكاتەوە.
جارێكی دیكە پرسە و سەرەخۆشی خۆمان دووپات دەكەینەوە و ئومێدەوارین لە خەم و ئازار و كۆستی دیكە بە دوور بن و خوای گەورە روحی پاکی خوالێخۆشبوو بە بەھەشتی بەرین شاد بکات..
اناللە وانا الیە راجعون
مەكتەبی سیاسی
پارتی دیموكراتی كوردستان
