بشار ئەمین: ئەمریکا نە لگەل چارەکرنا کێشەیا سوریایە ب لەشکەری

 

دهۆک- KDP.info- ئەندامەکێ مەکتەبا سیاسی یا پارتی دیموکراتی کوردستان- سوریا ڕاگەهاند، ڕەوش ل سوریا هێشتا بەرەڤ خراپبوونێ ڤە دچیت، ئەمریکا هەموو بزاڤان دکەت ڕەوشێ ب سیاسیانە چارەسەر بکەت.

 

پشتی ئەمریکا بریارا دروستکرنا ناڤچەیا ئارام دایی، نها بزاڤ ژ ئالیێ وەڵاتانڤە دبەردەوامن بۆ دروستکرنێ، بەلێ میکانزم و ڕیڤەبەریا وێ نەهاتیە دیارکرن.

 

بشار ئەمین، ژ بۆ ماڵپەرێ فەرمیی یێ پارتی دیموکراتی کوردستان دیارکر، ئەمریکا ژی گەهشتیە وێ باوەریێ ئێدی دڤیت هەموو کێشەیێن ناڤ سوریا ب دیالۆگ بهێنە چارەسەرکرن، چونکی ئەڤە خواستا گەلێ سورییایە.

 

دیار ژی کر، نها گەلەگ هەوڵ و پرۆژە هەنە ژ ئالیێ ئەمریکاڤە کو پرۆسە ب ئاشتیانە بڕیڤە بچن ل سوریا ژبۆ کو هەم بەرژەوەندیێن گەلێ سوریا و هەم یێن ئەمریکا بهێنە پاراستن.

 

کــــاروان بـــاعەدری