تەقینەوەیەک لە ستۆکهۆڵم رووی دا

 

سوید-KDP.info- تەقینەوەیەک لە شاری ستۆکهۆڵمی پایتەختی سوید رووی دا و قوربانی هەیە، بەپێی زانیارییە بڵاو کراوەکان، تەقینەوەکە کاتژمێر 1ـی بەرەبەیانی ئەمڕۆ چوارشەممە 27-3-2019 لە رۆژئاوای ستۆکهۆڵم رووی داوە.

 

تەقینەوەکە لەبەردەم دوکانێک رووی داوە و بووەتە هۆی زیانێکی زۆر بە دوکانەکە و ئەو ئۆتۆمبێلانەی لە ناوچەکە وەستێندرابوون، جگە لە برینداربوونی کەسێک بەهۆی بەرکەوتنی شووشەی شکا.

 

پۆلیسی سویدی رایگەیاندووە، تا ئێستا هۆکاری تەقینەوەکە دیار نییە، بەڵام ئەوان بەردەوامن لە لێکۆڵینەوە.