پارتی پرسەنامەیەکی بۆ کۆچی دوایی هونەرمەند مامۆستا سەردار ئەحمەد راگەیاند

بەڕێزان خانەوادەی هونەرمەندی ناسراوی گەلەكەمان مامۆستا سەردار ئەحمەد

بەداخ وپەژارەیەكی زۆرەوە هەواڵی كۆچی دوایی هونەرمەندی ناسراوی گەلەكەمان(مامۆستا سەردار ئەحمەد) مان بیست، بەو بۆنەیەوە پرسە و سەرەخۆشی خۆمان ئاراستەی ئێوەی بەڕێز و كەس وكار و بنەماڵەكەتان دەكەین و خۆمان بە شەریكی خەمتان دەزانین.

(مامۆستا سەردار)  هونەرمەندێكی دیارودێرین بوو و لە بواری بەرهەمی هونەری مۆسیقاو كاركردنی لە تیپی مۆسیقای باواجی كۆیە جێپەنجەی دیار و بەرچاوبوو، بۆیە بە كۆچی دوایی ئەو هونەرمەندە درزێكی دیكە كەوتە نێو بواری هونەر و مۆسیقای کوردی..
هیواخوازین هاوخەمیی هاوڕێ و دۆست وهۆگرانی بەرهەمەكانی كۆچكردوو ببێتە مایەی دڵنەوایی و سەبووریتان و لە خە م و خەفەتتان كەم بكاتەوە.

جارێكی دیكە پرسە و سەرەخۆشی خۆمان دووپات دەكەینەوەو لەخودای گەورە داواكارین سەبووری و ئارامی بەهەموو لایەك ببەخشێت و گیانی كۆچكردووش بە بەهەشتی بەرین شاد بكات..

انا لله وانا الیه راجعون

مەكتەبی سیاسی
پارتی دیموكراتی كوردستان
18/3/2019