پارتی سه‌ره‌خۆشی له خورشید شێرە ده‌كات
هەڤاڵی بەڕێز کاک خورشید شێرە
خەمباربووین بە بیستنی هەواڵی کۆچی دوایی هاوژینی بەڕێزتان خوالێخۆشبوو (مامز خزر).
بەم بۆنە خەمناکەوە پرسە و سەرەخۆشیمان ئاراستەی بەڕێزتان و خانەوادە تێکۆشەرەکەتان و سەرجەم خزم و کەسوکار و دوستانتان دەکەین و هاوبەشی خەمتانین.
خوشکە (مامز) وێڕای ئەوەی هاوژینی بەڕێزتانبوو، نمونەی ئافرەتی قوربانیدەر و تێکۆشەربووە و لە پێناو بیروباوەڕ و خۆڕاگریەکەی ژیانی ناو زیندان و ئاوەرەیی و دەربەدەری چەشتوە.
جارێکی دیکە سەرەخۆشیتان لێدەکەین و لە خودای گەورە داواکارین سەبوری و دڵنەوایی بە هەموو لایەک ببەخشێت و گیانی کۆچکردویش بە بەهەشتی بەرین شادبکات.
انا للە وانا الیە راجعون
مەکتەبی سیاسی
پارتی دیموکراتی کوردستان
