پارتی بۆ کۆچی دوایی عەبدولڕەزاق فەیلی بروسکەیەکی ماتەمینی ئاراستەی یەکێتی کرد
بروسکەی ماتەمینی مەکتەبی سیاسی پارتی دیموکراتی کوردستان بۆ کۆچی دوایی عەبدولڕەزاق فەیلی.
خەمبار بووین بە بیستنی هەواڵی كۆچی دوایی تێکۆشەر و ئەندامی دەستەی دامەزرێنەری (یەکێتی نیشتمانی کوردستان) خوالێخۆشبوو (عەبدولرەزاق فەیلی). بەم بۆنە خەمناكەوە پرسە و سەرەخۆشیمان ئاراستەی بەڕێزان جێگری سکرتێری گشتی و ئەندامانی مەکتەبی سیاسی و سەرکردایەتی یەکێتی نیشتمانی کوردستان و خانەوادە و سەرجەم خزم و كەسوكار و هاوڕێیانی خوالێخۆشبوو دەكەین و هاوبەشی خەم و پەژارەتانین.
لە خوای گەورە داواكارین سەبووری و ئارامی بە هەموو لایەك ببەخشێت و گیانی كۆچكردوویش بە بەهەشتی بەرین شاد بكات.
انالله و انا الیە راجعون
مەكتەبی سیاسی
پارتی دیموكراتی كوردستان
