عه‌بادی ده‌یه‌وێ له عێراقدا دادگایی داعشه بیانییه‌کان بکرێت
هەولێر-KDP.info- حه‌یده‌ر عه‌بادی سه‌رۆکوه‌زیرانی عێراق ڕایگه‌یاند، که ده‌یه‌وێ له عێراقدا و به‌پێی یاسای عێراقی دادگایی ئه‌و ئه‌ندامانه‌ی داعش بکات، که بیانیین که له‌لایه‌ن هێزه عێراقییه‌کانه‌وه ده‌ستگیر کراون.
بەپێی هەواڵێکی ڕۆژنامەی زەمان، لێدوانه‌که‌ی عه‌بادی دوای ئه‌وه دێت که فه‌ره‌نسا عێراقی ئاگادار کرده‌وه که له کاتی دادگاییکردنی هاووڵاتیانیدا که ببوونه داعش و شه‌ڕیان کردبوو، به‌پێی یاسای عێراقی و له عێراق هه‌ڵوێستی ده‌بێت.
لەو بارەیەوە، وه‌زیری دادی فه‌ره‌نسا نیکۆڵ ینلۆپی ڕوونکردنه‌وەی داوه، که له کاتی ده‌رچوونی حوکمی له‌دار‌دان بۆ ئه‌و داعشه فه‌ره‌نسییانه‌ی که دادگایی ده‌کرێن، قسه‌یان ده‌بێت، چونکه له یاسای عێراقدا حوکمی له‌دار‌دان جێبه‌جێ ده‌کرێت.
