مەكتەبی سیاسیی پارتی سەرەخۆشی لە خانەوادەی حاجی ئەحمەد حوسێن دەكات

هەڤاڵی بەڕێز عەلی حاجی ئەحمەد
بەڕێزان خانەوادەی خوالێخۆشبوو حاجی ئەحمەد حوسێن هیرانی

بە داخەوە هەواڵی كۆچی دوایی كەسایەتیی نیشتمانپەروەری دەڤەری خۆشناوەتی (حاجی ئەحمەد حوسێن) هیرانیمان پێ گەییشت.
پرسە و سەرەخۆشی  لە ئێوە و خانەوادە بەڕێزەكەتان و سەرجەم خزم و كەسوكارتان و هاوڕێیانی خوالێخۆشبوو دەكەین و هاوبەشی خەمتانین.
لە خوای گەورە داواكارین سەبووری بە هەموو لایەك ببەخشێت و گیانی كۆچكردوویش بە بەهەشتی بەرین شاد بكات.

انا لله وانا الیە راجعون
مەكتەبی سیاسیی پارتیی دیموكراتی كوردستان
9/6/2015