یەکێتیی نەتەوەیی، پارتی سەربەستی و بزووتنەوەی کۆماریخوازان، یادی 68 ساڵەی دامەزراندنی "پ.د.ك" لە (سەرۆك بارزانی) پیرۆز دەكەن

هەولێر-kdp.info-  هەریەک لە یەکێتیی نەتەوەیی دیموکراتی کوردستان کە (غەفوور موخمووری) سکرتێریەتی، پارتی سەربەستیی كوردستان (عارف باوەجانی) سکرتێریەتی هاوکات بزووتنەوەی کۆماریخوازانی ڕۆژهەڵاتی کوردستان(مستەفا شەمامی) ڕێکخەری گشتییەتی، لە پەیامی خۆیان و پارتییەکەیاندا، یادی 68 ساڵەی دامەزراندنی "پ.د.ك" لە (سەرۆك بارزانی) پیرۆز دەكەن.

ئەوان هاوکات پیرۆزبایی ئاڕاستەی گشت ئەندامانی مەكتەبی سیاسی و ئەنجوومەنی سەركردایەتی و گشت ئەندامان و دۆست و لایەنگرانی پارتی دیموکراتی کوردستان و، لە پێشمەرگە تێكۆشەرەكانی دەكەن.