لدهوكى هاریكاریێن ده‌زگایێ خیرخوازى لسه‌ر په‌نابه‌ران هاتنه دابه‌شكرن
دهوك-KDP.INFO- پشتى هه‌ژماره‌كا زورا خه‌لكێ شنگالێ ئاواره‌ى ده‌ڤه‌رێن شاریا وخانكێ بووین كو لدیڤ ئامارێن نه‌فه‌رمى تا نها پتر ژ 2500 سەروك خیزان ئاواره‌ى بوینه ڤان ده‌ڤه‌ران و هه‌ر ده‌ملده‌ست هاریكاریێن پێدڤێ وه‌كو خوارن و ڤه‌خوارن ژلایێ خه‌لكێ پارێزگه‌ها دهوكێ ڤه لسه‌ر هاتنه دابه‌شكرن وئه‌ڤرو ژى ده‌زگه‌هێ خێرخوازێ یێ بارزانى هاریكارى لسه‌ر ئاواره‌یا دابه‌شكرن.
دڤێ ده‌ربارێ دا جێگرى ده‌زگایێ خیرخوازى یێ بارزانى (موسا ئه‌حمه‌د) بوسازیێن راگه‌هاندنى گوتى، ئه‌ڤرو هاریكاریێن ده‌زگه‌هى خیرخوازى یێ بارزانى لسه‌ر ئاواره‌یێن خه‌لكى شنگالى دا ل ده‌ڤه‌را شاریا هاتنه به‌لاڤه‌كرن وهه‌مى جوره هاریكارى بوون لێ تایبه‌ت كو ئه‌ڤ ئاواره نوكه پێدڤى ب خوارن ڤه‌خوارنى هه‌یه له‌وما ئه‌ڤرو لهه‌ر جهه‌كى كو ئاوارێن شنگالى لێ هاریكارى لسه‌ر هاتنه‌دابه‌شكرن ومه لێنانگه‌هه ئاماده‌كریه ژبوى ئاماده‌كرنا خوارنێ بو ئاواره‌یا ن.
دیسان جێگرى ده‌زگایێ خیرخوازى یێ بارزانى دیاركر كو دێ هارێكارێن ده‌زگه‌هێ خیرخوازى یێ بارزانى گه‌هینینه ئاواریێن شنگالى ئه‌وێن نها ل خانكى ئاكنجى بووى و دێ هاریكارى گه‌هنه ئاواره‌ێن شنگالێ ئه‌وێن برێكا سحێلا به‌ره‌ڤ باژیرێ دهوكێ ڤه دهێن.
دیسان رێڤه‌به‌رێ ئه‌وقافا دهۆكێ( مه‌لا جیهاد بیسفكى ) بۆkdp.info گۆت: لیژنه‌ك ژ قایمقامیا دهۆكێ هاتییه پێكئینان و كه‌مپینا كۆمكرنا هاریكاریان ژی قایمقامیێ یه وهه‌ر كه‌سه‌كێ حه‌زبكه‌ت ئالیكاریان پێشكێشكی وان بكه‌ت دشێت بهێته قایمقامیا دهۆكێ یانژی برێكا خوه ئالیكارییان بگه‌هینیته ئاواره‌یان.
ناڤبرى ئاشكه‌را ژى كر كو هه‌رئه‌ڤرۆ ل هه‌مى مزگه‌فتێن دهۆكێ ده‌ست ب بانگرنا وه‌لاتییان كرییه كو ب هه‌موو شیان و پێدڤیێن خوه ئالیكارییا ڤان ئاواره‌یان بكه‌ن، ژبه‌ر كو هاریكرنا وان كاره‌كێ مرۆڤایه‌تی ونیشتمانى وئایینى یه.
دلدار ئیبراهیم
__2021_04_03_h23m18s5__JH.jpg)
