بەرپرسێ لقێ 8ـێ پارتی: سەرکەفتنا لیستێن پارتی د هەردوو هەلبژارتنان دا زامنێ سەرکەفتنا ئەزمونا هەرێمێ و پاراستنا شەرعیەتێ و ئێک رێزیا ناڤ مالا کوردستانێ یە

زاخو-KDP.info/ بەرپرسێ لقێ  8ـێ پارتی بەحسێ گرنگییا هەلبژاردنێن چڤاتا نوینەرێن عیراقێ و پارێزگەهێن كوردستانێ و بەرنامێ پارتی كر و دیار كر كو هەلبژاردنێن ڤێ جارێ تایبەتمەندییەكا زور هەیە و ئەڤ هەلژاردنە گرێداینە ب پێگەهێ نەتەوێ كورد و پارتی دیموكراتی كوردستان ڤە ل بەغدا كو نە بتنێ بەشداریێ دهەلبژاردنا دا بكەن، بەلكو ب گەرم و گوری خەلكی هان بدەن كو بچنە سەر سندوقێن دەنگدانێ و دەنگێن خو بدەنە لیستێن پارتی ژمارە (213) بو چڤاتا نوینەرێن عیراقێ و (76) بو چڤاتا پارێزگەهان، چونكی دشیاندایە لیستێن پارتی دەستكەفتیێن باشتر بو خەلكێ كوردستانێ ب دەستڤە بینت.

بەرپرسێ لقێ 8ـێ پارتی ل زاخو سەربەست لەزگین، بو kdp.info دیار كر، چەند بارودوخێ عیراقێ ئالوز بیت ئەم پتر رژدین كو كێشە و گرفتێن هەنوكەیی بشێوەكێ دیموكراسی و ب دیالوك چارەسەر بكەین وڤی بیاڤی دا سەركردایەتییا كوردی و جەنابێ سەروك بارزانی رولەكێ مەزن و بەرچاڤ گێڕایە لەورا دخازین خەلكێ زاخویا خو راگر وەكو هەمی جاران پێشڕەو بن ژبو پشتەڤانیكرنا لیستێن پارتی دیموكراتی كوردستان.

دەربارەی هەلبژارتنێن پارێزگەهان ژی بەرپرسێ لقێ گوت: ئەڤ هەلبژارتنە ژبو دیاركرنا ئیدارا نافخویا كوردستانێ یە و دڤی بیاڤی دا ل هەر جهەكێ پارتی دیموكراتی كوردستان خودان دەستهەلات پێشەڤچوون و وەرارەكا بەرچاڤ بخو ڤە دیتی یە و ئەڤرو ژی دشیانێن لیستا پارتی دایە كو ڤان دەستكەفتان ب پارێزیت و ئایندەكێ گەشتر بو خەلكێ كوردستانێ ب دەستڤە بینیت كو دەنگێن خو بدەنە لیستێن پارتی دیموكراتی كوردستان ژمارە (213) بو چڤاتا نوینەرێن عیراقێ و (76) بو چڤاتا پارێزگەهێن كوردستانێ.

بەرپرسێ لقێ 8ـێ پارتی بەحسێ گرنگییا هەلبژارتنێن پەرلەمانێ عیراقێ وجڤاتێن پارێزگەهێن هەرێما كوردستانێ كر و داخواز كر،كو  وەلاتی ب رێژەكا باش ب هەمی تەخ وچینێن خوڤە پشكداریێ دڤان هەلبژارتنان دا بكەن و دەنگێ خوبدەنە لیستا (213) لیستا پارتی دیموكراتی كوردستان بو جڤاتا نوینەرێن عیراقێ و لیستا (76) بو جڤاتێن پارێزگەهێن هەرێمێ و بەربژێرێن پارتی یێن وان هەردوو لیستان چونكە سەركەفتنا لیستێن پارتی د هەردوو هەلبژارتنان دا زامنێ سەركەفتنا ئەزمونا هەرێمێ و پاراستنا شەرعیەتێ و ئێك رێزیا ناڤ مالا كوردستانی و پشتەڤانیا هەلویستێن نەتەوەیی یێن سەروك بارزانی و بەرەڤانیكرنە ژ خوینا شەهیدێن كوردستانێ چونكە داكوهەمی بیاڤێن ژیانێ پێشڤە بچن.

هەروەسا سەربەست لەزگین بەحسێ بەرنامێ پارتی كر و دیار كر كو نها هەمی كارگێر و ئەندام و كادر و لا‌یەنگرین پارتی پێكڤە كار دكەن لدێڤ بەرنامەكێ داریشتێ  ژبوی وێ یەكێ خەلكەك بهیتە هاندان كو بەشداریێ دڤان هەلبژارتناندا بكەن و ب باوەریا من رێژا بەشدارییا خەلكێ  و سەركەڤتنا هەردوو لیستێن پارتی دڤان هەلبژارتناندا لزاخو دێ یا زێدە بیت و دی باشتر بیت ژ هەلبژراتنێن بوری چونكی روژ بو روژی لا‌یەنگرێن پارتی بەرڤ زێدەبوونێ و خەلكە ك تێگەهشتیە كو بتنێ پارتی دشێت خزمەتا وان بكەتن و خەونا خەلكێ كوردستانێ بینیتە جی ئەوژی پروژی دەولەتبوننا  كوردستانێیە.

دیسان بەرپرسێ لقێ  8 روناهی بەردانە سەر رەوشا كوردستانێ و ئەگەرێن گیروبوونا پێك ئینانا كابینا هەشتێ و گوت: هەمی پارتێن سەركەفتی دهەلبژارتنێن پەرلەمانێ كوردستانێ دا حەزا پشكداریێ دكابینا هەشتێ دا هەبوو و پارتی وەكو سەركەفتا ئێكێ پێ خوشبوو كو حكومەتەكا بنكەفراوان بهێتە پێك ئینان و ئەڤ چەندە پتر دخزمەتا بەرژوەندا كوردستانێ دا بوو لەورا گیروبوونا وێ ستویێ پارتی دا نینە و نوكە شاندێ پارتی ل دووماهی قوناغا دانوستاندنێدایە و ل دەمەكێ نێزیك دێ كابینا هەشتێ هێتە راگەهاندن.