گرنگترین قوناغێن ژیان و خه‌باتا بارزانیێ نه‌مر د سمیناره‌کی دا
قه‌دش– KDP.info/ ل بیره‌وه‌ریا 35 سالیا وه‌غه‌رکرنا بابێ روحیێ نه‌ته‌وا کورد (بارزانیێ نه‌مر) نڤێسنگه‌ها روشه‌نبیری و راگه‌هاندنا لقێ 18ی پارتی دیموکراتی کوردستان سمیناره‌ک بو هێژا (فه‌ریق فاروق) به‌رپرسێ لقێ 18 ل دور گرنگترین قوناغێن ژیان و خه‌باتا بارزانیێ نه‌مر ساز کر کو هه‌ژماره‌کا زور ژ کارگێر و کادرێن لقێ و لیژنه و رێکخراوێن بسه‌رڤه و ئێکه‌تیێن قوتابی و لاوان و ئافره‌تان تێدا به‌رهه‌ڤبوون.
سمینا ئیرۆ پێنجشه‌مبی ل هولا رێڤه‌به‌ریا روشه‌نبیری و هونه‌ریا ئامێدیێ هاتە ساز کرن.
داویا راوه‌ستان خوله‌که‌ک رێزگرتن بو گیانێ پاکێ شه‌هیدێن کوردستانێ و سه‌ر کاروانێ وان بارزانیێ نه‌رمر و ئیدریسێ هه‌ره‌م ساخ ، هێژا (فه‌ریق فاروق) به‌رپرسێ لقێ و ل ده‌سپێکا سمینارا خو گوت: (ل پێشیێ سه‌رێ رێز و رومه‌تێ دچه‌مینین بو بارزانیێ نه‌مر و ئیدریسێ جوانه‌مه‌رگ و ته‌ڤایا شه‌هیدێن کوردستانێ، ل بیره‌وه‌ریا (35) سالیا وه‌غه‌رکرنا (بارزانیێ نه‌مر) سوز و په‌یمانان نوو دکه‌ینه‌ڤه بو جه‌نابێ سه‌روکێ خوشتڤی (مه‌سعود بارزانی) و سه‌رکردایه‌تیا پارتیا مه و هه‌می گه‌لێ کوردستانێ کو به‌رده‌وام د خزمه‌ت و خه‌باتێ دابین ل سه‌ر رێیا پیروزا بارزانی و پارتی تا کو هه‌می ئارمانجێن گه‌لێ مه جێ به‌جێ دبن ، ل بیره‌وه‌ریه‌کا پری کوڤان و خه‌مگین مه بفه‌ر دیت ب کورتی ل سه‌ر ژیان و خه‌بات و رێباز و ئارمانجێن بارزانیێ مه‌زن راوه‌ستین.)
د درێژاها سمینارا خودا به‌رپرسێ لقێ ل دور چه‌ندین قو‌ناغ و و ێستگه‌هان ژ ژیانا پری خه‌بات و بێ راوه‌ستان په‌یڤی وه‌ک:-
(دایک بوون و بنه‌مال، کورتیه‌ک دور شێخ عه‌بدولسه‌لام بارزانی، زیندانیکرنا بارزانی ل ژیێ 3 سالیێ دگه‌ل دایکا وی و چه‌ند خێزانێن بارزانیان ل مویسل (1906 – 1907) ، هنارتنا وی ل ژیێ 14 – 16 سالیێ ژلایێ شێخ ئه‌حمه‌د بارزانی ڤه بو چاڤپێکه‌فتن دگه‌ل شێخ عه‌بدئه‌لره‌حمان شه‌رنه‌خی و شێخ عوبه‌دوللایێ نه‌هری و شێخ سه‌عید پیران، چونا بارزانی ل سالا 1919 دگه‌ل (300) چه‌کداران بو پشته‌ڤانیا شوه‌ره‌شا شێخ مه‌حمود حه‌فید ، چونا بارزانی ل سالا 1920ێ دگه‌ل چه‌ندین چه‌کداران بو پشته‌ڤانی و رزگارکرنا (ئه‌ندرانیک) مه‌لکێ ئه‌رمه‌نستانێ، رولێ بارزانی د شوه‌رشا بارزان دا ل سالا (1931 – 1932)، چوونا بارزانی بو روژهه‌لاتێ کوردستانێ ل سالا 1942 ، پشکداری و رولێ بارزانی د گومارا مهاباد دا، چوونا بارزانی و هه‌ڤالێن وی بو سوڤیێتێ تا ڤه‌گه‌ریانا وان، ڤه‌گه‌ریانا بارزانی بو ئیراقێ ل سالا 1958 و چه‌ڤپێکه‌فتن دگه‌ل سه‌روکێ مسرێ جه‌مال عه‌بدولناسر، ده‌ستپێکرنا شوره‌شا ئیلولێ ب سه‌رکاتیا بارزانیێ نه‌مر ل 11/9/1961، نه‌چارکرنا حکومه‌تا به‌غدا بو ئه‌نجامدانا دانوستاندنان و راگه‌هاندنا به‌یانناما 11ی ئادارا سالا 1970، هه‌ولێن دوژمنان ژبو تیرورکرن و ژ ناڤبرنا بارزانیێ نه‌مر، ده‌ستپێکرنا شوه‌ره‌شا گولانێ ل 26/5/1976 ب سه‌رکێشیا بارزانیێ نه‌مر، چوونا به‌ر دلوڤانی خودێێ ل 1/3/1979 ل واشنتون و ڤه‌شارتنا بارزانی ل شنو، ڤه‌گه‌راندنا جه‌نازێ بارزانیێ نه‌مر و ئیدریسێ هه‌رده‌م ساخ بو هه‌رێمێ و ڤه‌شارتنا وان ل بارزان، گرێدانا گونگرێ (100) سالیا وه‌غه‌رگرنا بارزانی ل هه‌ولێرێ ل 14/3/2004 و پێشکێشکرنا پتر ژ (103) ڤه‌کولینان دور بارزانی و دیسان ئاماژه‌دان ب چه‌ندین په‌رتووکێن ل دوور بارزانیێ نه‌مر هاتینه نڤیسین و به‌لاڤکرن).
و ل دوماهیێ چه‌ندین پرسیار و راو بوچوون ل دوور بابه‌تێ سمینارێ ژلایێ به‌رهه‌ڤبوویان هاتن کرن و ژلایێ به‌رپرسێ لقێ ڤه به‌رسڤ و رونکرن لسه‌ر هات دان.
عه‌لی رێکانی
__2021_04_03_h23m18s5__JH.jpg)
