گروپێ ئالا بۆ ماوه‌یێ 5 ده‌مژمێران رێكا دهۆك -میسل داخست
دهوك-KDP.info/ پشتی كو سه‌رۆك وه‌زیرێن ئیراقێ گۆتی بلا وه‌لاتیێن كورد لدژی حوكمه‌تا خوه كاربكه‌ن، گرۆپێ ئالا نه‌رازیبوونا خوه دیاركر و بۆ ماوه‌یێ 5 ده‌مژمێران رێكا دناڤبه‌را دهۆك و میسل داگرت و ده‌ست ب سه‌ر 50 ترۆمبێلێن بار هه‌لگرێن ئیراقێ دا هاته گرتن.
پالاوان شێخ مه‌می به‌رپرسێ گرۆپێ ئالا راگه‌هاند، پشتی كۆ جهێن په‌یوه‌ندیدار یێن بلند په‌یوه‌ندی ب وان كرینه، رێك هاتییه ڤه‌كرن.
به‌رپرسێ گرۆپێ ئالا گۆت: مه‌دڤێت بێژینه مالكی ئه‌م دێ به‌رده‌وام دژی حوكمه‌تا ته كاركه‌ین و دێ لدژی هه‌موو تشته‌كی بین كو به‌رژه‌وه‌ندییا حوكمه‌تا تیده بیت. دیسان دیاركر ژی دڤێ چالاكیێ ده گروپا وان ده‌ست ب سه‌ر 50 ترۆمبێلێن بارهه‌لگر دا گرتبوون و ئه‌گه‌ر په‌رله‌مانتارێن كورد و جهێن بلند په‌یوه‌ندی ب وان نه‌كربه دێ چالاكییا خوه بدوماهیك نه‌ئینابان.
ناڤهاتی ئه‌وژی دیاركر كو سوبه‌هی جاره‌كا دن دێ رێكا دناڤبه‌را دهۆك موسل دا گرین، ئه‌گه‌ر چ نه‌هاته‌كرن دێ ئه‌ڤ رێكه بۆ ماوه‌یێ چه‌ند رۆژان هێته گرتن و ده‌ست ب سه‌ر ترۆمبێلێن بارهه‌لگر ژی دێ هێته‌گرتن.
__2021_04_03_h23m18s5__JH.jpg)
