پەیامی مەکتەبی سیاسی پارتی دیموکراتی کوردستان بۆ یەکێتی لاوانی دیموکراتی کوردستان
بەناوی مەکتەبی سیاسی پارتیمان بە بۆنەی شەست و یەک ساڵەی دامەزراندنی یەکێتییە تێکۆشەر و مێژووییەکەتان گەرمترین پیرۆزبایی لە ئەندامانی مەکتەبی سکرتاریەت و سەرجەم کادرو ئەندامەکانتان دەکەین و هیوای هەردەم پێشکەوتن و سەرکوتنتان بۆ دەخوازین لەپێناو پەرەپێدانی کۆمەڵگە کوردستان و خۆشگوزەرانی و بەدیهێنانی خواستە پیسەیی و کۆمەڵایەتییەکانی لاوان.
پێویستە لەم یادە مێژوویەدا ئاماژە بەوە بکەین کە یەکێتی لاوانی دیموکراتی کوردستان لەسەردەمی خەباتی رزگاریخوازی کوردستان رۆلێکی مێژوویی و گرینگی لە خەبات و تێکۆشانی پێشمەرگایەتی و سیاسی و رۆشنبیری گێڕاوە. هەردەم وەکو رێکخراوێکی پیسەشیش کاری کردووە بۆ دروستکردنی دەیان سەرکردە و کادر و ئەندامی گۆشکراو بە گیانی نەتەوەیی و تێکۆشان و خزمەتکردنی کوردستان.
لەم بۆنەیەدا جارێکی دیکە جەخت لەسەر رۆلی کاریگەر و بەرچاوی یەکێتییەکەتان دەکەینەوە، پێویستە لەتەک داکۆکی کردن لە ماف و خواستەکانی لاوانی کوردستان، پەر بە بەرنامە و کارەکانتان بدەن لەپێناو گەشەپێدانی کۆمەڵگەی کوردستان و بەدیهێنانی خواستەکانی لاوان لە کار و خۆشگوزەرانی و داهێنان و بەشداری پێکردنیان لە بەرێوەبردن و دابینکردنی دەرفەت بۆ خۆشگوزەرانی و سود وەرگرتن لە پێشکەوتنەکانی دونیا.
بەم بۆنەیەوە جارێکی دیکە پیرۆزبایتان لێدەکەین و هەمیشە سەرکەوتوو بن لەپێناو بەدیهێنانی کۆمەڵگەیەکی ئاسودە و بەختیار و ئارام و پێشکەوتوو. هەروەها دابینکردنی کەشی گونجاو بۆ سەرجەم لاوانی کوردستان بە هەموو پێکاهاتەو ئاراستەیەکەوە، تاکو لاوان بتوانن لەسایەی کەشی ئارام و باری کۆمەڵایەتی پێشکەوتوو خەون و خواست و ویستەکانیان بەدیبهێنن.
مەکتەبی سیاسی
پارتی دیموکراتی کوردستان
