پێشمەرگێ شورەشێن ئەیلول وگولانێ رفعت طه هێتوتی وەغەرا داویێ کر

قەدش- تایبەت بKDP.info /      رفعت طه کریم هێتوتی پێشمەرگێ هەردوو شورەشێن ئەیلولا مەزن وگولانا پیشکەفتن خواز ژ ئەگەرێ ئیشەکا دووم درێژ ل نەخوشخانا ئازادی گیانێ خو ژدەسستدا ل سپێدەیا روژا پێنجشەمبی رێکەفتی 27-6-2013هەر دهەمان روژدا  ب بەرهەڤبوونا فریق فاروق بەرپرسێ لقێ 18ی پارتی دیموکراتی کوردستان و مالبات وکەس وکارێن خودێ ژێ رازی و وجەماوەرەکێ زور ل گورستنا هێتوتێ هاتە ڤەشارتن.

پشتی ب داوی هاتنا رێورەسمێن ڤەشارتنێ ل گورستانێ بەرپرسێ لقێ 18پەیڤەک پێشکێش کر وتێدا ژیانناما خودێ ژێ رازی دیارکر و بەحسێ پشکداریا وی د هەردوو شورەشان و سەرهلدانێ دا کر و دیسان ئامەژە دا کوردپەروەری و دلسوزیا مالباتا وی کو بابێ وی ژی ئێک ژ پێشمەرگە و شەهیدێن شورەشا ئەیلولێ بویە .

هەژی گوتنێ یە کو تازیا خودێ ژێ رازی دێ ل کومەلگەها هێتوتێ هێتە دانا ، خودێ گیانێ وی ب بەهەشتا خو یابەرین شاد بکەت وسەبر وهەدارێ بدەتە کەس وکارێن وی ، (انا لله و انا الیه راجعون) .

کورتیەک دەربارەی ژیانا خودێ ژێ رازی (رفعت طه هێتوتی) :-

ل سالا 1955ێ هاتیە سەردونیایێ ، ل سالا 1973چویە دناڤ رێزێن شورەشێ دا و بویە پێشمەرگە . پشتی سالا 1975ێ پەیوەندی ب شورەشا گولانێ کریە و وەک پێشمەرگە چویە دەڤەرێن رزگارکری ، ل 1980-1988بەرپرسێ رێکخراوا هندرین بوو ، ل دەستپێکا سالا 1991ێ وەک پێشمەرگە ڤەگەریا کوردستانێ بو پشکداریکرنێ د سەرهلدانێ دا ، ل سالا 1992خێزانا خو ب ئێکجاری ژ ئیرانێ ڤەگەراندیە کوردستانێ ، هەتا سالا 1995ێ ئامر هێزبوویە و ل دویڤدا بویە ئامر سری دگەل لیوا2یا تایبەت ب پلا نەقیب ، ژبەر نەباشیا بارێ ساخلەمیا وی ب پلا رائید دگەل سوپایێ بارزاب هاتیە خانەنشین کرن .

خودێ ژێ رازی موختارێ کومەلگەها هێتوتێ بوو وئەندامێ جڤاتا گوندێ هێتوتێ بوو هەتا وەغەرا داویێ کری .

هەژی گوتنێ یە کو بابێ وی شەهید (طه کریم هێتوتی) ئێک ژشەهیدێن دەستپێکا شورەشا ئەیلولێ بوو کو ل دەڤەرا چەمانکێ شەهید بوو وهەر ل وێرێ هاتیە ڤەشارتن .