به‌رپرسێ لقێ هه‌شت: سه‌رفرازیه‌ ئه‌م كوردستانی دب ئێك لیسته‌ دا پشكدار بووین

زاخو  /   KDP.info-  سه‌ربه‌ست له‌زگین ئه‌ندامێ جڤاتا سه‌ركردایه‌تیا پارتی دیموكراتی كوردستان و به‌رپرسێ لقێ 8ێ پارتی ب ئاماده‌بینا هه‌ردوو كاندیدێن پارتی بشار كیكی و ته‌حسین حه‌سه‌ن سمیناره‌ك لدۆر هه‌لبژارتنێن جڤاتا پارێزگه‌ها میسل بۆ هژماره‌كا ئاواره‌یێن پارێزگه‌ها ناڤهاتی لسنورێ لیژنا ناڤخۆیا زاخۆ یا پارتی ئاكنجی ل هولا لیژنا زاخۆ پێشكێشكر.

سه‌ربه‌ست له‌زگین به‌رپرسێ لقێ 8 پارتی دیموكراتی كوردستان د ڤێ سمینارێ دا ب درێژاهی باس ل هه‌لبژارتنێن جڤاتا پارێزگه‌ها میسل و چه‌وانیا خوه‌ ئاماده‌كرن و هاندانا هاولاتیان كر بۆ سه‌ر سندوقێن ده‌نگدانێ ل 20/6/2013 كو دێ هێنه‌ ئه‌نجام و گۆت: هه‌لبژارتنێن جڤاتا پارێزگه‌هێ بۆ مه‌ زۆر د گرنگن و ده‌نگدان بۆ لیستا برایه‌تی و پێكڤه‌ژیانێ یا ژماره‌ 469 ده‌نگدانه‌ بۆ پاراستنا مافێن گه‌لێ مه‌ و پێكهاتێن دی یێن ده‌ڤه‌رێ ئه‌وێن ل ده‌ڤه‌رێن ده‌رڤه‌یێ ئیدارا هه‌رێمێ چونكی ئه‌ڤ هه‌لبژارتنه‌ چاره‌نڤیسن بۆ مه‌ و ئه‌م زۆر پێ سه‌رفرازین كو ئه‌م كوردستانی دئێك لیسته‌ دا پشكدار بووین دڤان هه‌لبژارتنان دا و داخواز ژ وان كر ب شێوه‌یه‌كێ به‌رفره پشكداریێ دڤێ پروسێ دا بكن وده‌نگ بدن بۆ لیستا برایه‌تی وپێكڤه‌ ژیانێ وكاندیدێن پارتی لسنورێ لقێ 14 یێ پارتی ل میسل یێ ژماره‌ 6 بشار كیكی و ل ده‌ڤه‌را زومار ته‌حسین حه‌سه‌ن حه‌مو یێ ژماره‌ 28 دلیستا 469 دا ولقێ 8 پارتی هه‌می ئاماده‌كاری كرینه‌ بۆ رۆژا هه‌لبژارتنان و خزمه‌تكرنا ده‌نگده‌ران ژ پێخه‌مه‌ت سه‌رئێخستنا پروسا هه‌لپژارتنێن جڤاتا پارێزگه‌ها میسل.

هه‌ردوو كاندیدێن پارتی بشار كیكی و ته‌حسین حه‌سه‌ن یێ ژماره‌ 6 و28 د لیستا ناڤهاتی دا باس ل به‌رنامه‌ و پلانێن لیستا برایه‌تی و پێكڤه‌ژیانێ كرن و ئاواره‌یێن ل سنورێ پارێزگه‌ها میسل د سنورێ لیژنا زاخو یا پارتی دا ئاكنجی پشته‌ڤانیا خوه‌ بۆ لیستێ و كاندیدێن پارتی دیاركرن.