بەرپرسێ لقێ ١٨پشکداریێ د رێورەسمێن ڤەشارتنا صادق دوتازای پێشمەرگێ هەردوو شورەشێن ئەیلول و گولانێ دکەت

پشتی ل وەلاتێ ئیرانێ وەغەرا داویێ کری پێشمەرگێ هەردوو شورەشان ئەیلول مەزن و گولانا پیشکەفتن خواز (صادق عبدالرزاق دوتازای) روژا سێ شەمبی رێکەفتی ١٨/٦/٢٠١٣ ل گورستانا قەدش هاتە ڤەشارتن ب بەرهەڤبوونا هێژا (فەریق فاروق) بەرپرسێ لقێ ١٨ی پارتی دیموکراتی کوردستان و عەگید شەفیق بەرپرسێ لیژنا ناوچا سەرسنک و جەماوەرەکێ زور ژ خەلکێ دەڤەرێ.

خودێ ژێ رازی (صادق عبدالرزاق دوتازای) ژدایک بویێ سالا (١٩٥٥) یە، پێشمەرگێ شورەشا ئەیلولێ بوو تا سالا (١٩٧٤) ێ، سالا (١٩٨٠) بویە پێشمەرگێ گولانێ و بوردەوام بوو د خزمەتا پێشمەرگاتیێ دا، دوو جاران بریندار بویە ئەوژی ل ئاگرێ سالا (١٩٨٤) و ل قەدشێ ل سالا (١٩٩٧)ێ، ژ ئەنجامێ کارتێکرنا برینداریێ بویە پەککەفتی ب پلا (ملازم ئەول ) سەرب فەرماندە یا لەشکەری . دیسان د ژیانا پێشمەرگەیاتیێدا کار لفان جهان کریە (لقا ئێک، لقا دو، هێزا بارزان، ئەندامێ رێکخراوا حەمرین بو، ، دگەل (احمد میرزا) بویە پێشمەرگە . ژبەر نالەباریا رەوشا ساخلەمیا وی قەستا وەلاتێ ئیرانێ کر بو چارەسەریێ بەلێ ژ ئەنجامێ نشتەرگەریەکا نەسەرکەفتی گیانێ خو ژ دەستدا.

بو زانین تازی ل هولا تازیان ل کومەلگەها قەدش هاتیە دانان.

خودێ گیانێ وی ب بەهەشتا خو یا بەرین شاد بکەت وسەبر وهەدارێ بدەتە مالباتا وی.

(انا لله و انا الیه راجعون)