بیرەوەریا سێداره‌دانا ٤ ئه‌فسه‌رێن كورد ل ئامێدیێ هاتە ساخکرن
ئامیدی- / KDP.infoب هه‌لگه‌فتا ٦٦ مین سالڤەگەرا سێداره‌دانا هه‌ر ٤ئه‌فسه‌رێن كورد عیزه‌ت عه‌بدولعه‌زیز، مسته‌فا خوشناو، خه‌یرولا عه‌بدولكه‌ریم، محمد محمود قودسی، ل سەر گورێ شەهید عیزه‌ت عه‌بدولعه‌زیز ل کانیا سنجێ – ئامێدیێ رێورەسمەک بو ساخکرنا ڤێ بیرەوەریا دلتەزین هاتە گێران ب بەرهەڤبوونا هێژایان فەریق فاروق بەرپرسێ لقێ ١٨ ی پارتی دیموکراتی کوردستان،خالد حسێن قایمقامێ قەزا ئامێدیێ و مالبات و کەس وکارێن شەهید عیزه‌ت عه‌بدولعه‌زیز وژوان محسن صالح و محمد محسن و هکار صالح دگەلدا هژمارەکا بەرپرس و رێڤەبەرێن دام ودەزگەهێن میری و حزبی و خەلکێ دەڤەرێ ل روژا چوارشەمبی رێکەفتی ١٩/٦/٢٠١٣.
رێورەسمان ب خولەکەک رێزگرتن بوگیانێ پاکێ ڤان ٤ شەهیدێن سەرکردە وتەڤایا شەهیدێن کوردستانێ و سەروەرێ وان بارزانیێ نەمر و کاک ئدریسێ هەردەم ساخ دەستپێکر. ل دویڤدا تاجەگولەک ژلایێ فەریق فاروق بەرپرسێ لقێ ١٨ وخالد حسێن قایمقامێ قەزا ئامێدیێ و هکار صالح محسن ڤە ل سەر گورێ شەهید عیزه‌ت عه‌بدولعه‌زیز هاتەدانان. زێدەباری قەفتەکا گولان بناڤێ مالباتا وی ژ لایێ زارویەکا وان ڤە.
ل دویڤدا فەریق فاروق بەرپرسێ لقێ ١٨ پەیڤەک پێشکێش کر وتێدا تیشک خستنە سەر بزاڤا ئازادیخوازیا گەلێ کورد ورلێ ڤان ٤ ئەفسەران ل هەردوو پارچێن کوردستانێ و رولێ وان د رێکخستن و سەرکردایەتیکرنا لەشکەرێ کومارا کوردستان ل مهاباد، دەربارەی شەهید عیزه‌ت عه‌بدولعه‌زیز گوت بێگومان ئەو ژ بنەمالەکا خودان خەبات و گەلەک شەهیدە و رولێ وان چ جاران ناهێتە ژبیرکرن کو تا نها لسەر رێبازا بارزانیێ نەمر دبەردەوامی خەباتێ نە.
محمد محسن پێشمەرگە وکادرێ دێرین پەیڤا بنەمالێ پێشکێش کر وتێدا سوپاسیا لقا ١٨ و قایمقامیا ئامێدیی و هەمی بەرهەڤبوویان کر وب کورتی بەحسێ ژیان وخەباتا شەهید عیزه‌ت عه‌بدولعه‌زیز کر دیسان ئەماژە ب بیروبوچونێن وی یێن کوردەواری کر کو هەر ژ زاروکینیا خو دلسوزێ میللەتێ خو بو تا خو قوربان کری.
__2021_04_03_h23m18s5__JH.jpg)
