لقێ 8ێ پارتی: ده‌ربازبوونا بارزانی ژ رویبارێ ئاراسئومێده‌كا مه‌زن دایه كوردان
__2013_06_19_h12m38s1__GH.jpg)
زاخو-KDP.info/ لقێ هه‌شتێ پارتی دیموكراتی كوردستان د په‌یامه‌كی دا ده‌ربازبوونا بارزانی نه‌مر ژ رووبارێ ئاراس ل 18/6/1947ێ ب ژێده‌رێ ئومێده‌كا مه‌زن ل قه‌له‌م دده‌ت بۆ ملله‌تێ كورد ژبۆ دووباره به‌ره‌ڤانیكرن ژ زۆلما دكتاتوران و ئه‌ڤه ژی ده‌قێ وێ په‌یامێ یه:-
د رۆژه‌كا وه‌كی ئه‌ڤرۆ دا ل 18/6/1947 بارزانی نه‌مر، دوماهی كه‌س بوو ژ رویبارێ ئاراس ده‌رباز بوویی دگه‌ل 500 بارزانیێن خۆدان هه‌لویست و پێشمه‌رگه‌یێن قاره‌مان كو به‌ره‌ڤ ئێكه‌تیا سوڤییه‌تی چووین و سنورێن 3 وه‌لاتێن نه‌یار و پڕمه‌ترسیدار به‌زاندین.جه‌نه‌ڕال مه‌لا موسته‌فا بارزانی پشتی ژناڤچوونا كومارا كوردستان ل ئیرانێ، ل رۆژا19/4/1947 ژ ئیرانێ هاته ناڤ كوردستانا عێراقێ دا و هێزێن بارزان كوم كرن و په‌یڤه‌ك بۆ خواند و 560 كه‌سا خو بۆ مرنێ دگه‌ل بارزانی ڤه‌ده‌ر كرن و پاشان پشتی ره‌زامه‌ندیا شێخ ئه‌حمه‌د و بارزانی نه‌مر 501 كه‌س هه‌لبژارتن، و دابه‌ش كرنه سه‌ر 5 قولا و ئه‌ڤ 5 كه‌سه وه‌ك به‌رپرسێن قولا هاتنه هه‌لبژارتن (شێخ سلێمان بارزانی، ئه‌سعه‌د خوشه‌ڤی، مامه‌ند مه‌سیحا شێروانی، محه‌مه‌د ئه‌مین میرخان مێرگه‌سوری، مستو مرۆزی) كو بۆ ده‌مێ 42 رۆژا مانه كوردستانا عێراقێ و پاشان د رێپیڤانه‌كی دا ل رۆژا 2/5/1947ێ ل گۆندێ دری بریارا خۆ دا دگه‌ل 500 بارزانی و پێشمه‌رگه‌یان قه‌ستا وه‌لاتێ ئێكه‌تیا سوڤییه‌ت بكه‌ن و د 47 رۆژێن سه‌خت و دژوار دا شیان سنورێن 3 وه‌لاتێن دۆژمنێن سه‌رسه‌ختێن كوردان ببه‌زینن و شیان دناڤ سه‌ربازگه‌هێن دۆژمنی دا داستانا گه‌لیێ شوت تومار بكه‌ن و هه‌می بنگه‌هێن سه‌ربازی یێن وێ ده‌ڤه‌رێ ژناڤ ببه‌ن و ل رۆژا 16/6/1947 خۆ بگه‌هیننه رویبارێ ئاراس، بارزانی نه‌مر هه‌می هه‌ڤالێن خۆ ده‌ربازی سنورێ وه‌لاتێ ئازه‌ربایجانا رۆسی كر و ل رۆژا 18/6/1947ێ بارزانی نه‌مر دوماهی كه‌س بوو ژ ڤی رویباری ده‌رباز بووی و پشتی خۆ راده‌ستی رۆسیا كرین هاته ڤه‌گوهاستن بۆ نه‌خجوان ل ئه‌رمنیا و ئه‌ڤ ده‌ربازبوونا بابێ نه‌ته‌وه‌ی ژ رویبارێ ئاراس ئومێده‌كا مه‌زن دایه ملله‌تێ كورد بۆ دووباره مانه‌ڤه‌یێ و به‌ره‌ڤانیكرن ژ زۆلما دكتاتوران.
هزار سلاڤ بۆ گیانێ بارزانیێ باب و هه‌می قاره‌مان و پێشمه‌رگه‌یێن دلسوزێن دگه‌ل وی دا و هه‌ر كه‌سه‌كێ د پێناڤا كوردینیێ دا گیانێ خۆ به‌خت كری.
پارتی دیموكراتی كوردستان
لقێ هه‌شت
نڤێسینگه‌ها ره‌وشه‌نبیری و راگه‌هاندنێ
18/6/2013
__2021_04_03_h23m18s5__JH.jpg)
