لژێر چاڤدێریا بەرپرسێ لقێ 18 ئوتێل و موتێلا پلازا و خوارنگەها فورات 2 هاتن ڤەکرن

ئامێدی- KDP.info/ ئوتێل و موتێلا پلازا و خوارنگەها فورات 2 وەک پروژەکێ کەرتێ تایبەت ل هاڤینگەها سیلاڤێ – ئامێدیێ لژێر چاڤدێریا هێژا فریق فاروق بەرپرسێ لقێ 18ی پارتی دیموکراتی کوردستان وب بەرهەڤبوونا حسێن خالد قایمقامێ قەزا ئامیدیێ و هژمارەکا ریڤەبەر وبەرپرسێن دامودەزگەهێن میری و حزبی و خەلکێ دەڤەرێ هاتەڤەکرن .

بەرپرسێ لقێ 18 دپەیڤەكێ دا گوتی:جهێ خوشحالیێ بوو ئەڤرو پروژەکێ دی یێ کەرتێ تایبەت هاتەڤەکرن و دەست خوشیێ ل خودانێ پروژەی دکەین بێ گومان کوژمەکێ مەزن لێ هاتیە مەزاختن بەلێ دێ بیتە هوکارێ پیشکەفتنا دەڤەرا ئامێدیێ و پێشکێش کرنا خزمەتەکا باشتر بو گەشتیاران و رویەکێ جوانتر دەتە دەڤەرێ و بێ گومان دێ بیتە ئەگەرێ پەیداکرنا دەرفەتێن کاری بو دەهان ژ گەنجێن دەڤەرێ، داخوازێ ژ سەرمایەداران دکەین قەستا دەڤەرێ بکەن وپروژێن جوراو جورد هەمی بیاڤان دا ئەنجامدەن ژبو گەشەکرنا دەڤەرێ، دیسان سوپاسیا حکەمەتێ دکەین بو هاریکاریا خودانێ پروژەی ژبو ئەنجامدانا ڤی کاری ب دابین کرنا پارچەکا ئەردی .

و ژلایێ خوڤە حسێن خالد قایمقامێ قەزا ئامیدیێ گوت :- سوپاسیا سەید قادر خودانێ ڤی پروژەی دکەم کو ب راستی تشتەکی باش ل دەڤەرێ کر ب ئەنجامدانا ڤی پروژەی، دروستکرنا ئوتێل وموتێل و خارنگەهێن باش ل سیلاڤێ وەک جهەکێ گەشت وگوزاری براستی کارەکێ گەلەک باش وپێتڤییە دەستخوشیێ لێ دکەم و داخوازا سەرکەفتنێ بو دکەین، ئەم وەک حکومەت ژی هەردەم پشتەڤانین بو ڤان پروژێن کەرتێ تایبەت دا رولی خو ببینن و ب تایبەت دبورارێ گەشتیاری دا ل دەڤەرێ .

قادر گاهر محسن خودانێ پروژەی دەربارەی دروستکرن و پێکهاتا پروژەی و خزمەتێن دێ پێشکێشی خەلکی کەت گوت :- دەزگەهێن حکومەتێ ب سوپاسیڤە ل سالا 2007 ێ پارچەکا ئەردی ب رێیا موساتەحێ بو مە دابین کر و ئەم شیاین ڤی پروژەی لسەر دانین کو ب راستی ئەڤە ئێکەم پروژێ ژڤی جوری وقەبارەی و خزمەتایە ل دەڤەرێ ومن باوەرە چ پروژێن وەک وی ل دەڤەرێ نەهاتینە دروستکرن، پروژە پێکهاتیە ژ خوارنگەهـ وئوتێل وموتێل ونانپیژی ومارکێتەکێ، بەلێ دوو پشکێن سەرەکی بخوڤە دگریت، پشکا ئێکێ خوارنگەهەکا هەڤچەرخە بناڤێ (فورات 2)، و پشکا دووێ ئوتێل و موتێلا (پلازا) کو پێکهاتیە ژ 20 شوقان، 8 شوقە ژ جورێ (vip) و 1 سوێدی . هیڤیدارین بشێین ب باشترین رێ خزمەتا خەلکێ دەڤەرێ و گەشتیاران بکەین و ب هاریکاریا کەس ولایەنێن پەیوەندیدار .