عبدالخالق بابیری : به‌حس ل سه‌ر ره‌وشا پروسێسا هه‌لبژارتنان ل پارێزگه‌ها مویسل كر

دهوك-KDP.info/ ئه‌ڤرو سپێدێ و ژبزاڤ و چالاكیێن لژنا ناوچا فه‌یدیێ یا پارتی ل هولا سه‌نته‌رێ ره‌وشه‌نبیری یێ فه‌یدیێ و ب ئاماده‌بوونا ژماره‌كا زوورا خه‌لكێ عه‌ره‌ب ژ ئاكنجیێن فه‌یدیێ و (هاشم محمد علی بریفكانی) به‌ربژێر ل سه‌ر لیستا برایه‌تی و پێكڤه‌ژیانێ یا ژماره‌(469) رابوو ب دانانا سمیناره‌كێ بو به‌رێز(عبدالخالق بابیری)ئه‌ندامێ جڤاتا سه‌ركردایه‌تیا پارتی دیموكراتی كوردستان و به‌رپرسێ لقێ ئێكێ پارتی ل دوور پروسێسا هه‌لبژارتنێن ئه‌نجوومه‌نێ پارێزگه‌ها مویسل كو دێ پشتی ده‌مه‌كێ نێزیك هێنه‌ ئه‌نجامدان.
عبدالخالق بابیری ل ده‌ست پێكا سمینارێ و وێرای بخێرهاتنێ ل ئاماده‌بوویان چه‌ند روونكرنه‌ك به‌ردانه‌ سه‌ر مێژوویا وه‌لاتێ عێراقی هه‌ر ژ دامه‌زراندنا وێ ل سالا(1920) و پاشان كورگێری ته‌كه‌ز كره‌ سه‌ر وان هه‌می ئاریشه‌ولاوازی و دوبه‌ره‌كیا دناڤبه‌را مه‌زهه‌بێن سوننی و شیعی دا هه‌ر ژ به‌ری(14)چه‌رخان و گشت لایه‌ن و نه‌ته‌وان دا ژ پێك هاتێن وه‌لاتێ عێراقێ و دا دیاركرن كو هه‌ر ئه‌ڤ دوبه‌ره‌كیه‌ بویه‌ ئه‌گه‌رێ خراپ پاشڤه‌برنا وه‌لاتێ عێراقێ.و به‌رپرسێ لقێ دا دیاركرن كو كورد كلتورێ بارزانیێ نه‌مر په‌یره‌ودكه‌ن د لێبورینێ و پێكڤه‌ ژیانێ دا دناڤبه‌را هه‌می ئول و نه‌ته‌وان دا بێ جوداهی.
هه‌روه‌سان به‌رپرسێ لقێ دته‌وه‌ره‌كێ دیێ سمینارا خو دا دیاركر كو كورد و عه‌ره‌ب پێكهاتێن سه‌ره‌كینه‌ یێن وه‌لاتێ عێراقێ ودگه‌ل به‌رچاڤ وه‌رگرتنا مافێن كه‌مینه‌یان ل وه‌لاتێ ناڤبری.
پاشان به‌رێز(عبدالخالق بابیری) به‌حس ل سه‌ر ره‌وشا پروسێسا هه‌لبژارتنان كر ل پارێزگه‌ها مویسل و داخاز ژ ئاماده‌بوویان كر كو ده‌نگی بده‌ن بو لیستا برایه‌تی و پێكڤه‌ژیانێ یا ژماره‌(469) داكو به‌ربژێرێن ڤێ لیستێ بخزمه‌تا هه‌وه‌ رابن و كاربكه‌ن بو خوشكرنا ژین و ژیارا هه‌وه‌ و پێشكێشكرنا گشت خزمه‌تگوزاریان دهه‌می بواراندا بو هه‌وه‌.