ل سێمیلێ به‌رپرسێ لقێ ئێكێ پارتی سمیناره‌ك لدور هه‌لبژارتنان پێشكێشكر

دهوك تایبەت ب  KDP.info/  ئه‌ڤرو ل هولا گولستان ل قه‌زا سێمێلێ عه‌بدولخالق بابیری به‌رپرسێ لقێ ئێكێ پارتی دیموكراتی كوردستان سـیمناره‌ك ل دور هه‌لبژارتنێن جڤاتا پارێزگه‌ها نه‌ینه‌وا بو ئاواره‌ و ئاكنجیێن ده‌ڤه‌رێن ماددێ سه‌د و چل پێشكێشكر.

ل ده‌ستپێكێ رونكرنه‌ك ل سه‌ر پروسێسا هه‌لبژارتنان پێشكێشكر كو وه‌لاتی دشێن ل دویڤ حه‌زا خو نوینه‌رێ خو بهه‌لبژێریت و داخواز كر هه‌می ب روحیه‌تا كوردستانێ پشكداریێ دڤێ پروسێسێدا بكه‌ن دا ژ مافێن خو بێ به‌هر نه‌بن و سه‌رژمێریا كوردستانێ ب سه‌ر بێخن.
ل دویڤ دا به‌رپرسێ لقێ به‌ربژێرێ لیستا برایه‌تی و پێگڤه‌ژیانێ هاشم محه‌مه‌د عه‌لی بریفكانی یێ ژماره‌ پازده‌دانیاسین و ته‌ئكید ل سه‌ر ئێك رێزیا ملله‌تێ كورد كر داكو ملله‌ت بمافێن خو شاد بیت و پاراستنا ده‌ستكه‌فتێن كوردستانێ ب ئه‌ركێ هه‌می لایانان زانی و گوت دڤێت بو ئازادیا هه‌می ده‌ڤه‌رێن كوردان ئه‌م كاربكه‌ین و یا فه‌ره‌ رێزێ ل بوچوونێن ئێك و دوو بگرین و ئیرادا ملله‌تی و قوربانیێن هاتینه‌ دان ژبیر نه‌كه‌ین . چونكه‌ ئازادیا ئه‌ڤرو به‌رهه‌مێ خوین و ماندیبوونا وانه‌.