خه‌لكێ زوممار پشته‌ڤانیا خۆ بۆ لیستا پێكڤه‌ژیان و برایه‌تی دۆپاتدكه‌ن

دهوك-KDP.info/ نوینه‌رێن خه‌لكێ ده‌ڤه‌را زومار و ل زاخۆ ئاكنجی پشته‌ڤانیا خوه‌ بۆ لیستا برایه‌تی وپێكڤه‌ ژیانێ یا ژماره‌ 469 دوپاتكرن.
ب مه‌ره‌ما به‌حسكرنا چه‌وانیا خوه‌ ئاماده‌كرنێ بۆ هه‌لبژارتنێن جڤاتا پارێزگه‌ها میسل بو نوینه‌رێن خه‌لكێ ده‌ڤه‌را زومار و ل زاخۆ ئاكنجی، ئه‌ڤرۆ ب ئاماده‌بوونا سه‌ربه‌ست له‌زگین ئه‌ندامێ جڤاتا سه‌ركردایه‌تیا پارتی دیموكراتی كوردستان و به‌رپرسێ لقێ 8ێ پارتی و حه‌سه‌ن خه‌لو به‌رپرسێ لیژنا دیجله‌ یا پارتی ل ده‌ڤه‌را زومار كومبینه‌ك ل هولا لقێ 8ێ پارتی ل گه‌ل نوینه‌رێن خه‌لكێ ده‌ڤه‌را زومار و ل زاخۆ ئاكنجی هاته‌ سازكرن.

دڤێ كومبینێ دا به‌حس ل گرنگیا ئه‌نجامدانا هه‌لبژارتنێن جڤاتا پارێزگه‌هان و پشكداریا هه‌می پێكهاتێن ده‌ڤه‌رێ د وان هه‌لبژارتنان دا و تایبه‌تی یێن جڤاتا پارێزگه‌ها میسل و ده‌نگدان بۆ لیستا برایه‌تی و پێكڤه‌ژیانێ یا ژماره‌ 469 و كاندیدێ پارتی ل ده‌ڤه‌را سنورێ لیژنا زومار یا پارتی ته‌حسین حه‌سه‌ن هاته‌ كرن و دیار كر ژی كو هه‌می به‌رهه‌ڤی بۆ خه‌لكێ ده‌ڤه‌را زومار یێن كو ل زاخۆ ئاكنجی هاتینه‌ ئه‌نجامدان ژبۆ پشكداریا وان دهه‌لبژارتنێن جڤاتا پارێزگه‌ها میسل دا و هیڤێ خواست پشكداریه‌كا به‌رفرهـ دڤێ پروسێ دا بكن ژبو پاراستنا مافێن هه‌مێ پێكهاتان و ده‌نگ بدن بۆ لیستا برایه‌تی و پێكڤه‌ژیانێ و كاندیدێ پارتی ل ده‌ڤه‌رێ و دڤی باری دا به‌رپرسێ لقێ 8 پارتی پشته‌ڤانیا خوه‌ دا دیاركرن بۆ هه‌ر كاره‌كێ و ژلایێ خوه‌ڤه‌ نوینه‌رێن خه‌لكێ ده‌ڤه‌را زومار ل زاخۆ ئاكنجی پشته‌ڤانیا خوه‌ بۆ لیستا برایه‌تی و پێكڤه‌ژیانێ و كاندیدێ پارتی دوپاتكرن.

هه‌ژی گوتنێ یه‌ كو ل رێكه‌فتی 20/6/2013ی دێ هه‌لبژارتنێن جڤاتا پارێزگه‌ها میسل ئێنه‌ ئه‌نجامدان و 5500 ده‌نگده‌ر یێن ده‌ڤه‌را زومار ل زاخۆ ئاكنجی هه‌نه‌