لیژنا ناوچا ئامێدیێ پێشمەرگەیێن گولانێ مێهڤان کرن

ئامێدی- تایبەت بKDP.info/     هژمارەکا زور ژ پێشمەرگەیێن گولانێ  وئەندامێن خێزانێن وان بونە مێهڤانێن لیژنا ناوچا ئامێدیێ بو شیف خارنەکێ ل مرێبکا روژا ئێک شەمبی رێکەفتی 9-6-2013

لژێر چاڤدێریا هێژا فریق فاروق بەرپرسێ لقا 18یا پارتی دیموکراتی کوردستان و ب بەرهەڤبوونا کادرێ پێشمەرگە محمد محسن بەرپرسێ جڤاتا پێشڤەبرنا ئامێدیێ  وهژمارەکا رێڤەبەرێن دام ودەزگەهێن میری وحزبی رێورەسمێن مێهڤانداریێ ب خولەکەک رێزگرتن بو گیانێ شەهیدێن شورەشا گولانێ و تەڤایا شەهیدێن کوردستانێ و سەروەرێ وان بارزانیێ نەمر دەستپێکر.

پەیڤا لیژنا بەرهەڤکەرا میهڤاندرایێ ژلایێ عثمان عبدالله بەرپرسێ لیژنا ناوچا ئامێدیێ ڤە هاتە پێشکێش کرن و تێدا دیارکر کو ئەف مێهڤانداریە وەک رێزگرتن بو پێشمەرگەیێن شورەشا گولانێ بهەلکەفتا سالیادا ڤێ شورەشی هاتیە بەرهەڤکرن بەلێ ژبەر چەند ئەگەران چەند جاران هاتیە پاشخستن ، دیسان خویاکر کو برگێن هونەری هاتنە لادان رێزگرتن بو قوربانیێن تاوانا بومبارانکرنا ئوردیگایێ زێوە ژلایێ فروکێن بەعسییان ڤە کو 131وەلاتی هاتبوونە شەهیدکرن.

ل دویڤدا فریق فاروق بەرپرسێ لقێ  پە یڤەک پێشکێشی بەرهەڤبویان کر وتێدا تیشک خستنە سەر چەندین قوناغێن بزاڤا ئازادیخوازیا گەلێ کورد و دوپاتکر کو شورەشا ئەیلولا مەزن رێخوشکەرا شورەشا گولانێ بوو  وئەوێ ژی زەمینە خوشکر بو سەرهلدانا پیروز ، دبەشەکێ دی یێ پەڤا خودا گوت هوین پێشمەرگێن گولانێ ئەگەرێ بدەستڤەئینانا دەستکەفتێن ئەڤرونە و خودانێن  ڤان دەستکەفتانە ودێ پارێزن . دیسان گوت هەر دەمێ پارتی یا بهێزبیت گەلێ کورد یێ بهێزە وهەردەمێ پارتی لاواوزبوی گەلێ کورد لاواز بویە لەوما هەردەم دوژمنێن مە هەولدایە پارتی نە بتنێ لاوازبکەن بەلکو ژناڤبەن ، بەلێ پارتی یا دەولەمەدە ب هەوە یا دەولەمەندە ب سەرکەفتنێن لەشکەری کو هژمارەکا مەزن ژ داستانان تومارکرینە وهژمارا هەری مەزن ژوان ل دەڤەرا ئامێدیێ بوویە پارتی یا دەولەمەندە ب وان دەستکەفتێن سیاسی یێن بو گەلێ کورد بجهئیناین .

هەلبژارتنێن داهاتی یێن کوردستانێ تەوەرەکێ دی یێ پەیڤا بەرپرسێ لقێ بو و گوت پێتڤییە ئەم هەمی پێکڤە قەستا سندوقێن دەنگدانێ بکەین و بو وێ روژێ کار بکەین بو بدەستڤەئینانا مەزنترین رێژا دەنگدانێ بو پاراستنا دەستکەفتان و بدەستڤەئینانا دەستکەفتێن مەزنتر.

دیسان ئاماژەدا سەرەدانا مالکی بو هەرێمێ و کومبونا وی دگەل سەروک بارزانی و گوت من باوەرە دێ بیتە هوکارێ تشتێن باشتر بو کوردستانێ.

  مێهڤانداری ب خارنا شیڤێ داوی هات.