سه‌ربه‌ست له‌زگین: ده‌ستوور ب تنێ مایه‌ خه‌لكێ كوردستانێ بریارێ ل سه‌ر بده‌ت

دهوك-KDP.info/ سه‌ربه‌ست له‌زگین ئه‌ندامێ جڤاتا سه‌ركردایه‌تیا پارتی دیموكراتی كوردستان و به‌رپرسێ لقێ هه‌شت ل زاخۆ، پێش ئه‌نجامدانا به‌ریكانه‌یه‌كا زانستی دناڤبه‌را لیژنێن ل سنورێ لقێ دا و خه‌لاتكرنا چه‌ند رێكخراوێن چالاك دا، ل هولا باره‌گایێ لقێ 8 په‌یڤه‌ك پێشكێكر و خۆیاكر كو ده‌ستوور ب تنێ مایه‌ خه‌لكێ كوردستانێ بریارێ ل سه‌ر بده‌ت.

سه‌ربه‌ست له‌زگین خۆیاكر كو ده‌ستوور ب تنێ مایه‌ خه‌لكێ كوردستانێ بریارێ ل سه‌ر بده‌ت و دووپاتكر كو سه‌رۆك بارزانی گه‌له‌ك ب ئاشكرایی و زه‌لالی د په‌یاما خوه‌ دا ل بیره‌وه‌ریا شوره‌شا گولانێ ئه‌ڤ پرسه‌ بۆ جه‌ماوه‌رێ كوردستانێ شرۆڤه‌كر كو بابه‌تێ ده‌ستوری هه‌می قوناغێن یاسایی ده‌ربازكرینه‌ و بتنێ مایه‌ خه‌لكێ كوردستانێ بریارێ لسه‌ر ڤی ده‌ستوری بدت برێكا ریفراندومێ.

ئه‌ندامێ جڤاتا سه‌ركردایه‌تیا پارتی خۆیاكر ژی كو ده‌ستور نه‌ مولكێ هیچ حزب و كه‌س و رێكخراوه‌كێ یه‌ و مولكێ هه‌می كوردستانیا نه‌ و بریارا دوماهیێ یا وانه.

هه‌ر دڤێ په‌یڤێ دا سه‌ربه‌ست له‌زگین به‌رپرسێ لقێ 8ێ پارتی دیموكراتی كوردستان ئاماژه‌ دایه‌ پرسا هه‌لبژارتنا سه‌رۆكێ هه‌رێمێ و پێتڤیا ڤێ قوناغێ ب كه‌سه‌كێ لێهاتی وخه‌مخورێ گه‌لێ كوردستانێ و پێداگیربت لسه‌ر پاراستنا به‌رژه‌وه‌ندیێن ملله‌تێ كورد و هه‌رێما كوردستانێ.

سه‌ربه‌ست له‌زگین گۆت ژی؛ ژبه‌ر هه‌لویست وسیاسه‌تا راسته‌قینه‌یا پارتی و شه‌خصێ سه‌رۆك بارزانی هه‌ر جارێ ب به‌هانه‌یه‌كێ هنده‌ك هێز و لایه‌ن دڤێن ئالوزی و له‌نگیێ بێخنه‌ ل پێش سه‌ربورا مه‌ لڤێ قوناغێ.

به‌رپرسێ لقێ 8ێ پارتی ژ هه‌می كادر وئه‌ندامێن پارتی خواست گه‌له‌ك ب هشیاری و هه‌ست كرن ب به‌رپرسیا نیشتمانی ونه‌ته‌وه‌یی و دویر ژ حه‌ز وخواستێن كه‌سوكی ئه‌م هه‌می لڤێ قوناغێ په‌یت و پێگیربن بۆ پاراستنا وان ئارمانج و به‌رنامێن پارتی خه‌باتێ بۆ دكت كو بتنێ ئه‌ون زامنێ ئێك رێزیا گه‌لێ كوردستانێ و بجهـ گه‌هاندنا ماف وداخوازێن ملله‌تێ مه‌ ورێ گرتن ل پیلان وهه‌ولێن تێكدان و ئالوزكرنا ره‌وشا وه‌لاتێ مه.