لقێ هه‌شتێ پارتى داخازا نێڤده‌وله‌تیكرنا جینوسایدا كوشتارا ئوردووگایێ زێوه دكه‌ت
د په‌یامه‌كى دا لدۆر سالڤه‌گه‌را رۆژا كاره‌ساتا كوشتارا ئوردووگایێزێوه كو فرۆكه‌یێن عێراقێ 313 كه‌سێن بێ گونه‌هـ كوشتبوون زێده‌بارى برینداربوونا 373 كه‌سان، لقێ هه‌شتێ پارتى دیموكراتى كوردستان داخوازا نێڤده‌وله‌تیكرنا جینوسایدا كوشتارا ئوردووگایێ زێوه دكه‌ت و ئه‌ڤه ژى ده‌قێ په‌یامێ یه:-
دیرۆكا ملله‌تێ كورد، پڕه ژ كاره‌سات و زوڵم و سته‌م و ده‌ربه‌ده‌رى و ئه‌نفال و قڕكرنێ، ئێك ژ وان كاره‌ساتێن كومكوژی یێن ب سه‌رێ ملله‌تێ مه هاتین، كاره‌ساتا كوشتارا ئوردووگایێ زێوه‌یه ل سێگوشه‌یا سنورێن ئیدارى یێن وه‌لاتێ توركیا، عێراق و ئیرانێ دا ل رۆژا 9ى خزیرانا 1985ێ، كو د ڤێ رۆژێ دا ل دویڤ بریارا سه‌دام حسێن سه‌رۆكێ وى ده‌مى یێ عێراقێ و عه‌لى كیمیاویێ خوین مێژ، فرۆكه‌یێن به‌غدا سنورێن مرۆڤایه‌تیێ به‌زاندن و ده‌ست ب هوڤاتیێ كرن و هینگێ راوه‌ستیان هه‌تاكو د ڤى ئوردووگایێ په‌نابه‌ران دا، 313 كه‌س ژ سڤیلێن زه‌لام و ژن و زارۆ و دانعه‌مران شه‌هید كرین و 373 كه‌سێن دى ژى بریندار كرین.
ڤێ كریارا هوڤانه، یا كو عه‌رشێ مرۆڤایه‌تیێ د بن پێن دكتاتوران دا هه‌ژاندى، ئه‌م ب هه‌مى رێكان شه‌رمزار دكه‌ین و هزاران سلاڤ ل گیانێ پاقژ و بێ گونه‌هیا وان هه‌مى شه‌هیدێن ڤێ كاره‌ساتێ بن، و هه‌موو ده‌مه‌كى هه‌ڤخه‌میا مه دگه‌ل خه‌مێن مالباتێن ڤان بێ گونه‌هـ و قوربانیێن كاره‌ساته‌كا بێ وێنه بوویه و داخوازێ ژ رێكخراوێن نێڤ ده‌وله‌تى و یێن مافێ مرۆڤى دكه‌ین ڤێ كاره‌ساتێ ب دژى مرۆڤایه‌تى و جینوسایدا نێڤ ده‌وله‌تى بهێته ل قه‌له‌م دان.
پارتى دیموكراتى كوردستان
لقێ هه‌شت
__2021_04_03_h23m18s5__JH.jpg)
