لقێ ئێك به‌یاننامه‌ك ب هه‌لكه‌فتا شه‌هیدێن ئوردیگایێ زێوه‌ به‌لاڤكر

د قوناغێن بزاڤا ئازادیخوازا گه‌لێ كورد دا گه‌له‌ك كاره‌سات و رویدانێن دویر ژ هه‌ستا مروڤایه‌تیێ ب سه‌ری ملله‌تێ مه‌دا هاتینه‌ وه‌ك كاره‌ساتا تراژیدیا (961985)ێ كو رژێما به‌عسا روخیایی ب هه‌شت فروكێن جه‌نگی سنورێ ئیرانێ به‌زاندن و ب هوڤانه‌ هێرش كرنه‌ سه‌ر ئوردیگایێ زێوه‌ یێ په‌نابه‌ران و ل ئه‌نجامدا پتر ژ (120) كه‌سان شه‌هید بوون و ژماره‌كا زور بریندار كه‌فتن. بوردومانكرنا ئوردیگایێ زێوه‌ ژلایێ رژێما به‌عسا گور به‌ گور ڤه‌ سه‌رپێچیه‌كه‌ دژی هه‌می سنورێن مافێن مروڤایه‌تیێن نیف ده‌وله‌تی ڤه‌. په‌نابه‌رێن ئوردیگایێ زێوه‌ ئه‌و كورد په‌روه‌ر بوون یێن ل ئه‌نجامێ شوره‌شا ئیلونا مه‌زن و پاش كاره‌ساتا (1975)ێ ئاواره‌ بوین و سه‌ره‌رایی بار و دوخێن سه‌خت و دژوار خوراگرتن و نه‌ د ئاماده‌ بوون خو بده‌نه‌ ده‌ستێ رژێما به‌عسا فاشیست. ئه‌ڤ كاره‌سات و ئه‌نفال و جینوساید بونه‌ فاكته‌ره‌ك كو بن ده‌ستیا گه‌لێ مه‌ و هوڤه‌تی و شوفینیه‌تا دوژمنێن گه‌لێ مه‌ بو جیهانێ دا نیاسین. لێ هه‌ر كاره‌سات و پیلانێن دوژمنان بوینه‌ ئه‌گه‌رێ پتر رژدبونا گه‌لێ كوردستانێ لسه‌ر خه‌باتێ و ئیك رێزی و بهێزئیخستنا بیرو باوه‌رێن كوردایه‌تیێ و ئه‌ڤرو ژ ئه‌نجامێ وێ خوراگری و قوربانیدانا خه‌لكێ كوردستانێ ئه‌ڤرو خودان حكومه‌ت و په‌رله‌مانین.
لڤێ بیره‌وه‌ریێ بناڤێ لقێ ئێكێ پارتی دیموكراتی كوردستان سه‌ره‌خوشیێ ل هه‌می كه‌س و كارێن شه‌هید و بریندارێن ئوردیگایێ زێوه‌ و ته‌ڤایا شه‌هیدێن رێیا ئازادیا كوردستانێ و سه‌روه‌رێ وان بارزانیێ نه‌مر و ئیدریسێ هه‌رده‌م ساخ د كه‌ین.


لقێ ئێك
پارتی دیموكراتی كوردستان
8/6/2013