بەرپرسێ لقا 18سەرا نەساخ و پەککەفتی وخێزانێن شەهید و پێشمەرگە و کادران ل قەدش دا

قەدش- تایبەت ب KDP.info/  د بەردەوامیا سەردانێن خودا بو تەخ وچینێن جودا جودا ل سنورێ لقا 18 بو ژ نێزیک هایداربوون دور رەوشا ژیارا خەلکی ئێڤارا روژا پێنج شەمبی رێکەفتی 6-6-2013هێژا فریق فاروق بەرپرسێ لقا 18 یا پارتی دیموکراتی کوردستان سەرا هژمارەکا نەساخان و خێزانێن شەهیدان و پێشمەرگە و پەککەفتی و کادران ل کومەلگەها قەدش دا و ئەف سەرەدانە بونە جهێ دلخوشیا ڤان خێزانان و هیڤی خاستن ئەف جورە سەردانە دبەردەوام بن.

هێژا فریق فاروق بەرپرسێ لقا 18 دور مەرەم و و دیتنا وان بو ڤان سەرەدانان بڤی ئاوای بو مالپەرێ   KDP.infoپەیڤی:- ب راستی سەرەدانا خەلکێ مە ئەرکەکە لسەر ملێن مە ئەم پێ راببین ل هەردەمەکی مە دەلیڤە هەبیت و ئێک ژ بەرنامێن مەیە ئەم سەرەدان وان بکەین و هیڤی وئومێدێن مە ئەون مە ئەو دەلیڤە وشیان هەبن ئەم بشێن سەرەدانا هەمی خەلکێ دەڤەرێ بکەین ،خوش بەختانە ئەڤرو دەلیڤە بو مە چێبو پشتی دەوامی ئەم سەرەدانا چەند خێزانێن شەهیدان وپەککەفتی و پێشمەرگە وتەخێن دی بکەین کو بەری چەند روژان ژی مە سەرەدانا هژماراەکا دی یا خێزانان کربوو ، جهێ خوشحالیێ بوو کو سەرەدانا مە بو وان مالا بو ئەگەرێ پەیداکرنا کەیف خوشیێ بو وان و ب راستی چەند کەیفا وان ب ڤان سەرەدانان هاتبیت پتر کەیفا مەیا هاتی دەمێ مە ئەو خوشحالی و پێشوازی ژلایێ وانڤە دیتی . ب سەرەدانا مالا تشتێن نوی مروڤ دزانیت و پتر ئاگەهی رەوشا ژیارا خەلکی دبیت لەوما روژ بو روژ پتر حەزا سەردانا مالێن خەلکی بو من چێدبیت کو گەلەک را وبوچونان د دەنە مروڤی و ئەم مفای ژێ وەردگرین، جهێ سوپاسی و سەرفەرازیێ یە کو هەردەم دەرگەهێن وان بومە دڤەکرینە و بگەرمی پێشوازیێ ل مەدکەن و ب ئانەهیا خودێ دێ دبەردەوام بین لسەر ڤان جورە سەردانان .

ژ لایێ خوڤە وەلاتی (منی شمس الدین) ئەنداما ئێک ژ وان خێزانێن سەردان بو هاتیە کرن دەربارەی سەردانا بەرپرسێ لقێ و شاندێ دگەلدا کو پێک هاتبوو ژ بهزاد ستار ئەرەدنی بەرپرسێ رێکخراوا قەدش پا پارتی و هژمارەکا کادران  هروەسا ب ڤی رەنگی بو مالپەرێ (pdk-leqa18) پەیڤی :- پیخوشحالین کو ئەڤرو بەرپرسێ لقێ و هەڤالێن دگەلدا سەرەدانا مە کری و دیسان سەردەدانا هژمارەکا دی یا خەلکێ کومەلگەها مە کری و ئەڤ چەندە نیشانا پویتەپێدانا جەنابێ وی  و لقا 18 و پارتی یە ب خەلکی ، ب راستی ئەف جورە سەرەدانە گەلەک دفەرن ژبەرکو ژ نێزیک ئەو دێ ئاگەهداری رەوشا دەڤەرێ و و سەروبەرێ خەلکی بن ، براستی دەمێ بەری چەند روژان سەرا هندەک خێزانان کری ئەو گەلەک دلخوش ببون و خوشبەختانە ئەڤرو سەرەدانا مەژی کر پر ژ دل سوپاسیا وی دکەین و هیڤیدارم هەریێ بەردەوام بیت لسەر ڤان سەرەدانان و سەرکەفتی بیت.