شانده‌كێ لقا ئێك ب مه‌ره‌ما پیروزكرنا دامه‌زراندنا ( ی. ن. ك ) سه‌را مه‌لبه‌ندێ چار دكه‌ت

دهوك- تایبەت ب KDP.info/ ب مه‌ره‌ما بیروزكرنا 38سالان لسه‌ر ژیێ ئێكه‌تی نشتیمانی ئیروو شانده‌كێ لقا ئێك ب سه‌رپه‌رشتیا ئه‌ندامێ ئه‌نجومه‌نێ سه‌ركردایه‌تیا پارتی عبدالخالق بابیری سه‌را مه‌لبه‌ندێ 4 دده‌ت و ژ ئالیێ هه‌ریم كه‌مال ئاغا به‌رپرسێ مه‌لبه‌ندی و ده‌سته‌كا وێ ڤه‌ هاته‌ پێشوازیكرن.
ل ده‌سپێكێ بابیری پیروزباهیێن خو و لقا ئێك ئاراسته‌ مه‌لبه‌ند و سه‌ر جه‌م كادر رێكخستیێن وان كرن گوت: دخازم ئه‌ڤ بیره‌ وه‌ریه‌ ببنه‌ پالده‌ره‌كێ دی یێ خزمه‌تكرنا ده‌ڤه‌رێ ب هه‌مو رویه‌كی ڤه‌ و ب تایبه‌ت هه‌ول دان بو خزمه‌تكرنا گه‌نجان و بده‌ستڤه‌ئینانا هیڤیێن وان چنكو دڤێت ل كوردستانێ ب شادی بژین و خه‌ونا ب هیڤیێن خو نه‌ بینن.
پاشان: هه‌ر دو ئالیان ته‌كه‌ز كره‌ لسه‌ر خزمه‌تكرنا خه‌لكێ پارێزگه‌ها دهوكێ و پاشه‌روژا خه‌لكێ و پێشكه‌فتنا وان د بیاڤێن جودا جودا دا دا كو د گه‌ل ملله‌تێن پێشكه‌فتی ل جیهانێ بهێزبین چنكو به‌رژه‌وه‌ندیا ملله‌تی و پێكهاته‌یێن وێ زور یا گرنگه‌ ده‌ف مه‌ و ده‌لیڤا بۆ پرۆژه‌یه‌كێ نه‌ته‌وه‌ی یا هه‌ی دڤێت هه‌م د حازر بین و بو ڤێ دڤێت ملله‌ت دگه‌ل سه‌ركرده‌یان ئێك ده‌نگ بن دا كوردستانێ لسه‌ر بنگه‌هه‌كێ نه‌ته‌وه‌ی یێ ساخله‌م ئاڤا بكه‌ن و سه‌ر ئیخستنا ڤی پروژه‌ی و ده‌ستڤه‌ئینانا هه‌مو ئارمانجێت گه‌لێ كوردستانێ سه‌رفرازیه‌ بو مه‌ هه‌میانه‌.