راپرسی لسه‌ر ده‌ستوری مافێ هه‌می تاكه‌ كێ هه‌رێما كوردستانێ یه‌

دهوك- تایبەت ب KDP.info/ ئه‌ڤرو ل هولا لقا ئێك سمیناره‌ك بو عبدالخالق بابیری ئه‌ندامێ ئه‌نجومه‌نێ سه‌ركردایه‌تیا پارتی ل دور ره‌وشا كوردستانی یا نها وپروژێ ده‌ستورێ هه‌رێمێ بو كادرێن پارتی ل سنورێ لقا ئێك هاته‌ گێران.
د سمینارێدا بابیری ل دور ره‌وشا كوردستانێ یانها تێدا دبوریت گوت:ئه‌ڤرو ئه‌م دقوناغه‌كا زور هه‌ستیار و گرنگ دا دبورین ژبه‌ركو وه‌لاتێ مه‌ ل هه‌مبه‌ری ئه‌زمونه‌كا مه‌زن و دیروكی یه‌ ئه‌وژی ئه‌گه‌ر ئه‌مژی كه‌د و خوها ڤی ملله‌تی و خوینا پیروزا شه‌هیدێن كوردستانێ دراستگو و دلسوز بین له‌وما ئه‌ركه‌ لسه‌ر مه‌ ژبو بده‌ستڤه‌ ئینانا ڤێ ئارمانجێ بتنێ یه‌ك رێزی و هه‌ڤگرتنا هه‌می پێك هات و ئالیان دێ بیته‌ ئالیه‌ت ژبو ده‌ست ڤه‌ ئینانا هه‌می مافێن ره‌وایێن خه‌لكێ كوردستانێ یه‌ وه‌ پارتی ژبو ڤێ چه‌ندێ زور تێكوشین بو سه‌ر ئێخستنا ڤی پروژێ نه‌ته‌وی یێ كودرستانێ كریه‌، وه‌ لسه‌ر پروژێ ده‌ستورێ هه‌رێمێ بابیری گوت: ده‌ستور ملكێ هه‌موو تاكه‌ كه‌سه‌كێ خه‌لكێ هه‌رێما كوردستانێ یه‌ و ئه‌ڤ ده‌ستوره‌ د هه‌می قوناغێن خو یاسایێدا بوری یه‌ و ل په‌رله‌مانیژی ده‌نگێن زورینه‌ بو هاتی یه‌ دان بتنێ یا مای بكه‌ڤیته‌ د قوناغا راپرسیێ دا و مافێ هه‌می خه‌لكێ كوردستانێ یه‌ ب هه‌می پێك هاتێن خوڤه‌ و بێ جیاوازی به‌شداری راپرسیا پروژێ ده‌ستورێ هه‌رێمێ بیت.