ماموستا داود توما عودیش وه‌غه‌را داویێ كر

دهوك-  تایبەت ب  KDP.info/ ل گورستانا دهوكێ یا مسیحیان عبدالخالق بابیرى به‌رپرسێ لقا ئێك به‌شدارى د خاكسپاردنا ته‌رمێ خودێ ژێ رازى ماموستا داودا توما عودیش دبیت.

پشتى كو ئه‌ڤرو سپێدێ ماموستا داود توما ژ ئه‌گه‌رێ نه‌خوشیێ ل نه‌خوشخانا ئازادى ل باژێرێ دهوكێ گیانێ خو ژده‌ست داى د رێو ره‌سمه‌كێ ژ هه‌ژیدا ل گورستانا دهوكێ و ب ئاماده‌بونا هژماره‌كا زور ژبه‌رپرس و فه‌رمانبه‌رێن میرى و حیزبى و هه‌ڤال و كه‌س و كارێن خودێ ژێ رازى ته‌رمێ وى دهێته‌ ب خاكسپاردن.

 د په‌یڤه‌كێ دا عبدالخالق بابیرى سه‌ره‌خوشى ل مالبات و هه‌ڤال و كه‌س و كاێن وى كر و گوت: خودێ ژێ رازى كادره‌كێ ژێهاتى بو دناڤ رێزێن پارتى دا و روله‌كێ باش هه‌بوى یه‌ خزمه‌تكرنا پارتى دیموكراتى كوردستان و نه‌خاسمه‌ د ناڤ ته‌خا ماموستایان دا روله‌كێ ئه‌كتیڤ و كارا هه‌بویه‌ د ئاڤاكرنا قوتابیه‌كێ په‌روه‌رده‌كرى ژلایێ هزرا زانستى و نه‌ته‌وى ڤه‌ و په‌روه‌رده‌كرنا مێشكه‌كێ ئاڤاكه‌ر بو پاشه‌روژه‌كا گه‌ش ژبو وه‌لاتێ خو وه‌ ژبنه‌ماله‌كا كورد په‌روه‌ر و دلسوزێن رێبازا پارتى و بارزانى بو یه‌ له‌وماژى ئه‌م وكو لقا ئێك هه‌ڤخه‌مێت ژده‌ستدانا خودێ ژێ رازى نه‌.
هه‌ژى گوتنێ یه‌ كو خودێ ژێ رازى ژدایك بویێ سالا 1950یه‌ و خه‌لكێ گوندێ كوره‌ دێرێ یه‌ و ل ده‌سپێكا سالا 1970 په‌یوه‌ندى ب رێزێن پارتى كریه‌ و به‌رده‌وامى دده‌ته‌ رێبازا پارتى دیموكراتى كوردستان وه‌ دیسان دبیته‌ ماموستا خزمه‌تێ پێشكێشى په‌روه‌رده‌كرنا قوتابیێن كوردستانێ دكه‌ت و روژ بو روژى گه‌شه‌دبیت و پاشان دبیته‌ كادره‌كێ ژێهاتى دناڤ رێزێن پارتى وه‌ به‌رده‌وام دكه‌تن ژیانا خو, وه‌ ژبه‌ردلسوزى و زیره‌كیا وى دبیته‌ ئه‌ندامێ لژنا ماموستایان و رێڤه‌به‌رێ قوتابخانا سه‌رهلدان.‌