دەزگاى هەڵبژاردن بە فەرمى بەشداریکردنى پارتى دیموکراتى کوردستانی لە هەلبژاردنەکانى هەرێمى کوردستان بەکۆمسیۆن راگەیاند
بەمەبەستى گرتنە بەرى ڕێوشوێنە یاساییەکانى تایبەت بە تۆمارکردنى ناوى پارت و قەوارەسیاسییەکان بۆ بەشداری کردن لە هەڵبژارنەکانى هەرێمى کوردستان، خەسرەوگۆران بەرپرسی دەزگاى هەڵبژاردنى پارتى دیموکراتى کوردستان بە یاوەرى شاندەکى دەزگاى هەلبژاردن سەردانى ئۆفیسى هەولێرى کۆمسیۆنى سەربەخۆی هەڵبژاردنەکانیان کرد و لە لایەن هندرێن محه‌مه‌د بەرپرسی ئۆفیس پێشوازیان لێکرا.
لە دیدارێکدا شاندى دەزگاى هەڵبژاردن بە فەرمى بەشدارى کردنى پارتى دیموکراتى کوردستانیان لە هەلبژاردنەکانى هەرێمى کوردستان بەکۆمسیۆن راگەیاند و بە فەرمى ئەو بەشداریکردنەیان تۆمار کرد.
دواتر خەسرەو گۆران بەرپرسی دەزگاى هەلبژاردنى پارتى دیموکراتى کوردستان و هندرێن محه‌مه‌د بەرپرسی ئۆفیسى هەولێری کۆمسیۆنى سەربەخۆى هەلبژاردنەکان ، باسی دوا ئامادەکارییەکانى کۆمسیۆنى ناوبراویان کرد بۆ پێشوازى کردن لەم پرۆسە دیموکراسییە هەروەها پرسی ئەو گۆڕانکاریانەى بەسەر ژمارە و ناو شوێنى دەنگدەران داهاتووە تەوەرەکى دیکەى گرنگی دیدارەکە بوو.
جێی باسە بڕیارە لە ڕێکەوتى ٢١مانگى ئەیلولی ئەم ساڵ هەلبژاردنەکانى ئەنجوومەنى پارێزگاکان و پەرلەمانى کوردستان و سەرۆکایەتى هەرێمى کوردستان ئەنجام بدرێن.
__2021_04_03_h23m18s5__JH.jpg)
