بیرەوەریا شورەشا گولانێ ل ئەردەنا هاتە ساخکرن

ب هەلکەفتا بیرەوەریا 37سالیا شورەشا گولانا پێشکەفتن خواز هەردوو لیژنێن سەرسنک و بامەرنێ بهاریکاریا لقێ 18یێ پارتی دیموکراتی کوردستان وەک وەفاداری بو خەباتا وان و خوینا شەهیدان و رێبازا بارزانی رابوون ب ئامادەکرنا مێهڤانداریەکێ خوارنا دانێ نیڤرو و ئاهەنگەکا هونەری بو پتر ژ 800پێشمەرگەیێن ڤێ شوررەشی ل هاڤینگەها ئەرەدنا ل روژا سێ شەمبی رێکەفتی 28-5-2013.

ب بەرهەڤبوونا هێژایان فریق فاروق بەرپرسێ لقێ و مشیر محمد رێڤەبەرێ ناحیا سەرسنکێ و ایسر جرجیس رێڤەبەرێ ناحیا بامەرنێ و لیواء حکمت محمد طاهر فەرماندێ لیوا ٤ ل بامەرنێ و موقەدەم سگڤان ژ زێرەڤانیا سنوران ل قەدش و هژمارەکا دی یا بەرپرس وکارگێر وپلەدارێن حزبی و میری ولەشکەری و وپێشمەرگەیێن شورەشا گولانێ ل سنورێ هەردوو ناوچێن سەرسنکێ وبامەرنێ و ری سپی وماقولێن دەڤەرێ رێورەسمێن ساخکرنا ڤێ بیرەوریێ ب دەقیقەک رێزگرتن بو گیانێ پاکێ شەهیدان وسەرکاروانێ وان بارزانیێ نەمر وکاک ئدریسێ هەدردەم ساخ دەستپێکر .

ماجد جەلکی د کورتە پەیڤەکێدا بخێرهاتنا مێهڤانان کر لدویڤدا چاڤدێرێ ئاهەنگێ هێژا فریق فاروق بەرپرسێ لقا 18پەیڤەک پێشکێش کر ، شورەشین کوردی و خەباتا پارتی و کاودانێن ئەڤرو یێن هەرێمێ و هەلبژاردنێن داهاتی و دەستورێ هەرێمێ گرنگ تەوەرێن پەیڤا وی بوون و دوپاتکر کو شورەشا گولانێ تەمامکەرا شورەشا ئەیلولا مەزن بویە ب سەروکاتیا بارزانیێ نەمر ، وخویا کر کو لقا 18دوو مەرەم ژ ڤان ئاهەنگان هەنە یا ئێکێ ساخکرنا بیرەوەریا شورەشا 26گولانێ ویا دووێ رێزگرتن ل پێشمەرگەیێن ڤێ شورەشێ یێن ساخ ومری کو هەردەم ئەو جهێ رێز وشانازیێنە و تەکەزی لسەر گرنگیا پاراستنا ڤان دەستکەفتان کر کو بەرهەمێ شورەشا ئەیلول و گولان وسەرهلدانێنە وهەرئێک ژوان تەمامکەرا یا دی یە.

  ل دویڤدا پەیڤا پێشمەرگێن شورەشا گولانێ ژ لایێ کادر و پێشمەرگەیێ گولانێ ‌جەمال قەدشی هاتە خاندن و تێدا سوپاسیا لقا 18کر بو ڤێ مێهڤانداریێ و سوز وپەیمان نویکرنەڤە کو هەردەم بمینن مریدێن ریبازا بارزانی و پێشمەرگە ژ بو بەرڤانیکرن ژ کوردستانێ .

ل دویڤدا چەندین هوزان هاتن خاندن ژلایێ عگید شفیق بەرپرسێ لیژنا ناوچا سەرسنک و ئەبو دژو ئامر فەوج ل لیوا 8و .

و ب دیلان وداوەتان ل بەر دەنگێ هونەرمەند حسن ئەرەدنی و فرهاد عدنان  وئاوازێن دهول وزرنا تا ئێڤارەکا درەنگ درێژی ب ئاهەنگێ هاتەدان.