ل گەلیێ چەمانکێ بیرەوەریا شورەشا گولانێ هاتە ساخکرن

ساخکرنا بیرەوەریا شوره‌شا 26 گولانێ ب گێرانا مێڤانداریه‌كا خوارنا نیڤرو و ئاهه‌گه‌نكا ملى و فولوكلورى ل هاڤینگه‌ها گەلیێ چەمانکێ بۆ هژمارەکا پێشمه‌رگه‌یێن شوره‌شێ هاته‌ گێران ل نیڤرویا روژا دووشەمبی رێکەفتی ٢٧/٥/٢٠١٣.
لژێر چاڤدێریا هێژا (فه‌ریق فاروق) به‌رپرسێ لقا 18 یا پارتی دیموكراتی كوردستان و ب ئاماده‌بونا بەرپرس وکارگێرێن لقێ و بەرپرس وکارگێرێن لیژنا ناوچا چەمانکێ و ری سپى و ماقویلێن ده‌ڤه‌رێ و هژمارەکا زور ژ پێشمەرگێن شورەشا گولانێ یا پیشکەفتن خواز ل گەلیێ چەمانکێ رێورەسمێن ساخکرنا بیرەوەریا شوره‌شا 26 گولانێ ب خولوکەک راوه‌ستان رێزگرتن و وه‌فادری بو گیانێ پاكێ شه‌هیدان و سه‌ركاروانێ وان بارزانیێ نه‌مر و كاك ئدریسێ هه‌رده‌م ساخ دەستپێکر، ل دویڤدا په‌یڤا لقا ١٨ ژلایێ چاڤدێرێ ئاهه‌نگێ هێژا (فه‌ریق فاروق) به‌پرسێ لقى 18 ڤە هاته‌ خاندن تێدا بەحسێ بزاڤا رزگاریخوازیا کوردی کر وئاماژە دا شورەشێن ئەیلول وگولانێ و رولێ خەلکێ دەڤەرا قەزا ئامێدیێ دڤان شورەشان دا و چەندین داستان وقارەمانی ئینانە بیرا بەرهەڤبوویان  و هیڤی خواستن ئەڤ یادە ببیتە هاندەرەک کو پتر خەلک لدور سەرکردایەتیا کوردی خرڤەببیت.
پشتی خوارنا دانێ نیڤرو ئاهەنگەکا هونەری هاتە گێران و چەندین ستران هاتن گوتن و دگەل داوەتێن فلوکلوری.