لقێ ئێك بورینا (44) سالان ل سه‌ر پارێزگه‌هبونا دهوكێ پیروز دكه‌ت

دهوك-KDP.info/ ب هه‌لكه‌فتا بورینا (44) سالان ل سه‌ر پارێزگه‌هبونا دهوكێ، بناڤێ لقێ ئێكێ پارتی دیموكراتی كوردستان گه‌رمترین پیروزباهیان ئاراسته‌یی ته‌ڤایا خه‌لكێ پارێزگه‌ها دهوكێ د كه‌ین.
پارێزگه‌هبونا دهوكێ وه‌ك سێنته‌ره‌كێ گرنگێ ده‌ڤه‌را به‌هدینان ب ده‌ستكه‌فته‌كێ نیشتیمانی و نه‌ته‌وه‌یی یێ شوره‌شا ئه‌یلولێ ب سه‌ركێشیا بارزانیێ نه‌مر د هێته‌ هژمارتن.
پارێزگه‌ها دهوكێ ناڤه‌ندا ڤه‌ژاندنا هزرا كوردایه‌تیێ و نیشتیمان په‌روه‌ری و پێكڤه‌ ژیانێ یه‌ و روله‌كێ پیروز گێرایه‌ د هه‌می قوناغێن بزاڤا رزگاریخوازا كوردستانێ دا و قوربانیێن مه‌زن ژ پێخه‌مه‌ت ئازادیا كوردستانێ داینه‌ و هیچ ده‌مه‌كێ خه‌لك و چیایێن وێ سه‌ر بو دوژمنان نه‌چه‌ماندیه‌.
دهوك ژ ده‌ڤه‌ره‌كا هه‌ژار و نه‌چاڤدایی و كاڤل كری پشتی سه‌رهلدانا 1991 ب پشته‌ڤانیا حكومه‌تا هه‌رێما كوردستانێ د وه‌رار و پشڤه‌چونێن به‌رده‌وام دایه‌ و ب شانازی ڤه‌ خودان سێ زانكو و چه‌ندین مه‌لبه‌ندێن په‌روه‌رده‌یی و زانستی یه‌، پارێزگه‌ها دهوكێ ئه‌ڤرو سه‌ر و سیمایه‌كێ نوی و جڤاكی و سه‌رده‌میانه‌ و ئابوری و سیاسی ب خوڤه‌ گرتیه‌، و ل سیبه‌را حكومه‌تا هه‌رێما كوردستانێ هیڤیا پاشه‌روژه‌كا گه‌شتر دایه‌.
ل ڤێ هه‌لكه‌فتێ سوپاسیا رێڤه‌به‌ریا گشتی یا روشه‌نبیری و هونه‌ری و لاوان و وه‌رزشی دكه‌ین بو به‌رهه‌ڤ كرنا كه‌رنه‌ڤالێ روژا پارێزگه‌ه بونا دهوكێ. دووباره‌ روژا پارێزگه‌هبونا دهوكێ ل ته‌ڤایا خه‌لكێ دهوكێ پیروز دكه‌ین.