پەیاما لقا 18 ب هەلکەفتا بیره‌وه‌ریا ب پارێزگه‌هـبوونا دهوكێ

دهوك- KDP.info/ بهەلكه‌فتا بیره‌وه‌ریا ب پارێزگه‌هـبوونا دهوكێ لقا هەژدە یا پارتی دیموكراتی كوردستان پەیامەک بەلاڤکریە وئەڤا ل خارێ تەکستا وێ یە:
بهەلكه‌فتا بیره‌وه‌ریا ب پارێزگه‌هـبوونا دهوكێ گه‌رمترین پیروزباهیان ئاراسته‌ی خەلکێ کوردستانێ ب گشتی و یێ پارێزگەها دهوک ب تایبەتی دکەین.
بێگومان دامه‌زراندنا یه‌كه‌ ئیدارییەکا نوی ل کوردستانێ وعیراقێ بناڤێ پارێزگه‌ها دهوك ل 27/5/1969 ل وی سه‌رده‌می ده‌ستكه‌فته‌كێ مێژوویی بوویه‌ بو خه‌لكێ كوردستانێ ب گشتی و وەرچەرخانەکا دیروکی بویە بو خەلکێ بەهدینان بتایبه‌تی .
وەک یا دیار ئەڤ بریار ژ ڤالاهیێ نەهاتیە بەلکو چەندین جاران ژلایێ کوردان ڤە ئەڤ داخازە هاتیە کرن ژوان داخازا شه‌ش نوینه‌رێن كورد د جڤاتا نوینه‌رێن عیراقێدا ل نیسانا 1929ێ، دیسان ئێک‌ بویە ژ داخازێن شورەشا بارزان 1943- 1945 یێن ل 7/1/1944 پێشكێشی نوێنه‌رێ حكومه‌تا مه‌لكیا عیراقێ كرین. و پشتی ده‌سپێكرنا شۆرشا ئه‌یلولا مەزن 1961 ب پارێزگه‌هكرنا دهۆكێ ئێک ژ داخازێن گه‌لێ كورد و خالێن دان و ستاندنان بوویه دگه‌ل رژێمێن عیراقیێن وی چاخی.
ب پارێزگەهبوونا دهوک وەرار و گەشەپێدانەکا بەرچاڤ دهەمی بیاڤان دا دەڤەر ڤەگرت و ب تایبەتی پشتی دامەزراندنا پەرلەمان وحکومەتا هەرێما کوردستانێ و ئەڤرو خەلکێ دهوک بویە خودان چەندین دامودەزگەهێن گرنگ و جوراوجور وەک زانکو یان، له‌وما هیڤیا مه‌ ئه‌وه‌ ئه‌ف هه‌لكه‌فته‌ ببیته‌ هانده‌رك ژ بو ئێكرێزیا گه‌لێ مه‌ پێخه‌مه‌ت پاراستنا ده‌ستكه‌فتیان و چوون بەرەف هیڤیا مەزنتر کو دەولەتبوونە.
دوباره‌ ئه‌ف هه‌لكه‌فته‌ ل كوردستانیان ب گشتی و خه‌لكێ دهوكێ ب تایبەتی پیروزبیت .

                              لقا هەژدە
                           پارتی دیموكراتی كوردستان
                             26/ 5/2013