پە یاما لقا ١٨ بهەلکەفتا سالڤەگەرا شورەشا گولانێ

بهەلکەفتا سەلڤەگەرا دەستپێکا شورەشا گولانێ لقا ١٨ یا پارتی دیموکراتی کوردستان پەیامەک بەلاڤکریە وتێدا ئەڤ هەلکەفتە ل تەڤایا گەلێ کوردستانێ پیروزکریە وئەڤا ل خارێ تەکستا وێ یە:-
بهەلکەتا بیرەوەریا سالڤەگەرا هەلبونا چریسکا شورەشا گولانا نیشتیمانی و پێشکەفتنخواز گەرمترین پیروزباهیان ئاراستەی خەلکێ کوردستانێ بگشتی و خەلکێ دەڤەرا ئامێدیێ بتایبەتی د کەین و سەرێ رێزو رومەتێ بو شەهیدێن بزاڤا ئازادیخوازیا گەلێ کوردستانێ دچەمینین و سلافا دهنێرین بو پێشمەرگێن دلێر و قەهرەمان ئەوێن شیاین د کاودانێن سەخت و دژواردا بسەرکردایەتا پارتی و سەروکاتیا بابێ روحیێ نەتەوا کورد (بارزانیێ نەمر) شورەشا گولانێ ل (٢٦/گولانێ/١٩٧٦) ێ بەرپا کری وەکو درێژە دان ب شورەشا ئیلونا مەزن . هەلبەت شورەشا گولانێ وەرچەرخانەک د مێژویا هەفچەرخا گەلێ کوردستانێ دا پەیدا کر و د درێژیا ژیێ خودا قارەمانێن مەزن تومارکرن، بیافەکێ بەرفره ژئاخا کوردستانێ کەفتە بن کونترولا پێشمەرگێ شورەشگێر و ب سەدان داستانێن مێرینیێ ب دژی داگیرکەران هاتنە کرن و ڤێ شورەشێ شیا گەلەک گوهرینێن ریشالی دگەلەک بیاڤاندا پەیدا بکەت،نەخاسمە د بوارێن سیاسی ولەشکەری و ئیداری و چڤاکیدا ٠ هیڤیا مەئەوە ئەڤ هەلکەفتە ببیتە هاندەرەک ژبو خرڤەبونا جەماوەرێ کوردستانێ لدورێن رێبازا پیروزا پارتی و بارزانی پێخەمەت پاراستنا وان دەسکەفتێن ب رەنج و ماندیبونا دەهان سالان یا خەلکێ کوردستانێ و خوینا گەشا شەهیدا هاتینە ب دەستڤە ئینان.

                       لقا ١٨
                   پارتی دیموکراتی کوردستان
                     ٢٦/٥/٢٠١٣