لقا ئێكا پارتی ئاهەنگا بیرەوریا 26 شورەشا گولانێ ژبەر روودانا ئاگربەربونا بازارێ دهۆكێ راگرت

لقێ ئێكێ پارتی دیمكراتی كوردستان هەمی بەرهەڤی بو ئەنجامدانا ئاهەنگەكا مەزن ل دەڤەرا دوسكیا كربوون و بریاربوو ئەڤرۆ روژا 25/5 بهێتە ئەنجامدان بەلێ ژبەر كارەساتا روودانا ئاگربەربونا بازارێ پەروكا ل ناڤەندا بازارێ دهۆكێ كو پتری ژ 200 دوكانا هاتینە سوتن و ژناڤبرن و زیانێن مەزن یێن مادی ب وەلاتیان كەفتن، وەك پشكداریا لقا ئێك د خەم و ئازارو نەخوشێن خەلكێ باژێرێ دهۆكێ دا ئاهەنكا خۆ راگرت و نەهاتە ئەنجامدان و لقێ ئێك بەرهەڤیا خو بو قەرەبوكرنا زیان ڤێ كەفتیان دیاركریە.
مەسعود سەرنی كارگێرێ لقێ ئێك و بەرپرسێ نڤیسینگەها رەوشەنبیری و راگەهاندنا لقا ناڤبری بو kdp.info دیاركر: مە ژڤان بو ئەڤرۆ 25/5 ئاهەنگا خو یا بهەلكەفتا 26 گولانێ ئەنجامبدەین و بەرهەڤیەكا باش بو هاتبوكرن وبەرنامەكێ تیرو تەسەل بو هاتبودارێشتن بو هندێ ڤی یادێ ب شێوەیەكێ گەلەك باش ساخبكەین، بەلێ ب مخابنیڤە ل شەڤا 23/5 ئەو روودانا ئاگربەربونا بازارێ دهۆكێ چێبوو ب دەهان دوكان هاتنە سوتن و چەند كەسەك ژی توشی بهێن تەنگیێ بون و زیانێن مەزن ب وەلاتیان كەفتن گوت ئەڤێ روودانێ لقێ ئێك گەلەك ئێشاند چونكی ئەم ژی شریكین دگەل ڤی خەلكێ زەرەرمەند بویی، خەما مە ژی دگەل خەم و ئازارێت مللەتێ مەیە، ژبەر ڤێ چەندێ ئاهەنگا مە هاتە راگرتن.
ناڤبری دیاركری لقا ئێكا پارتی بو ڤێ روودانێ پشتەڤانیا خودیاركریە بو هاریكاریكرنا وەلاتیێن زەرەر گەهشتیێ و دوكانێن وان هاتینە سوتن، دازانین دێ هەمی بزاڤا كەین دەنگێ وان بگەهینینە جهێن بلند و بەرپرس و هەمی بزاڤا كەین كو ئەم بشێن قەرەبوكرنا زیان ڤێكەفتیان ب رێكا حكومەتا هەرێما كوردستانێ بهێتە دان.
سەرنی داخازا لێبورینێ ژ ئەوی خەلكی كرن ئەوێ كو خو ئامادەكری داكو بەشكداریێ د ئاهەنگێ دا بكەن، بەلێ ئاهەنگ نەهاتە گێران هاتە راگرتن.