لقێ ئێك ب هه‌لكه‌فتا بیره‌وه‌ریا شوره‌شا گولانێ به‌یاننامه‌ك به‌لاڤ گر
شوره‌شا 26ێ گولانا پێشگه‌فتن خواز ئومێده‌ك بو و بوو گه‌لێ كورد و به‌رسڤه‌ك بوو بود وژمنان.
ئه‌و شوره‌شا كو بویه ته‌مامكه‌را شوره‌شا ئه‌یلولا مه‌زن پشتی مه‌زنترین پیلانا ناڤ ده‌وله‌تی هاتیه ئه‌نجام دان ژبو نه‌هێلانا ناڤێ شوره‌شێ ل سالا 1975ێ.
شوره‌شا گولانێ پشتی قوربانیه‌كا زور و ده‌ستكه‌فتێن مه‌زن بوو هێڤێنێ به‌رخودان و داستان و به‌رده‌وامیا گه‌لێ كورد دناڤ ته‌ڤگه‌را رزگاریخواز ژبو ب ده‌سڤه‌ئینانا ماف و داخازیێن خه‌لكێ كوردستانێ و ئه‌و شوره‌شا بویه هێزه‌ك ژبو ژناڤبرنا وان حه‌ز و كه‌رب و كینێن دخواستن سه‌ر گه‌لێ مه‌دا بسه‌پینن روژ بور وژێ ئه‌ڤ شوره‌شه پێشڤه‌چوو به‌رێ خه‌لكێ دلسوز و كورد په‌روه‌رێ كوردستانێ كه‌فته ڤێ شوره‌شێ و بو بنگه‌ه و رێًگه‌هێ هێز و پارتێن دی یێن سیاسی یێن عیراقێ كو د گوره‌پانا وێ یا سیاسی دا به‌رده‌وامی ب خه‌باتا خو بده‌ن.
شوره‌شا گولانێ بده‌سكه‌فتێن خو یێن نیشتیمانی و شوره‌شگێریڤه وه‌ك (به‌ره‌ی جوت) و (به‌ره‌ی كوردستانی) تێدا هاتنه دامه‌زراندن و ئه‌و هیڤی و ئومێد بو وی خه‌لكی دروست كر كو هه‌می چین و ته‌خێن جڤاكی یێن كوردستانێ بكه‌ڤنه دناڤ رێزێن شوره‌شێ و به‌رده‌وامیێ ب خه‌باتێ بده‌ن تا كو سالا 1991ێ كو سه‌ركێش و رێبه‌رایه‌تیا سه‌رهلدانێ كرى و كوردستان ژ خواستێن دكتاتوریه‌تێ رزگار كری و هه‌ر دڤێ سالێ د ابویه كو سه‌روك (مسعود بارزانی) ل باژێرێ (كویه) راگه‌هاندی كو پێویسته هه‌لبژارتن بهێنه ئه‌نجام دان دا كو ڤان ده‌ستكه‌فتێن مێژوویی ب پارێزین و به‌ره‌ڤانیێ لێ بكه‌ین.
ئه‌ڤرو ژی پارتی و سه‌روك بارزانی درژدن ل سه‌ر هندێ كو گه‌ل سه‌رچاڤێ بریاردانێ یه ژبو چه‌سپاندنا دیموكراتیه‌تێ و ده‌ستورێ كوردستانێ.
ژبو پێشوازیكرنه‌كا هه‌ژی بیره‌وریا 26ێ گولانێ مه وه‌ك لقێ ئێك خو ئاماده‌كربوو رێزگرتنه‌كا مه‌زن بده‌ینه مێژوویا ڤێ شوره‌شێ و ئاهه‌نگه‌كا مه‌زن سازبكه‌ین ل وی جهی كو پێشمه‌رگێن قاره‌مانێن ڤێ شوره‌شێ چالاكیێن پارتی زانی و داستانێن مێرانیێ تێدا تومار دكرن كو ل نێزیكی باره‌گایێ لژنا ناوچا دهوكێ یێ جاران ل گه‌لیێ هه‌سناڤاكێ د شوره‌شا گولانێ دا.
ژبه‌ر كو ل شه‌ڤا 23 ل سه‌ر 24/5/ 2013ێ رویدانه‌كا نه‌چاڤه‌رێ كری دناڤ سه‌نته‌رێ باژێرێ دهوكێ هاته رویدان كو ب ئه‌گه‌رێ شورته‌كا ئه‌لكتریكێ ئاگر به‌ر بویه چه‌ند دوكانه‌كا و زیانه‌كا مه‌زن به‌ر خودانا كه‌فتی یه و خه‌لكێ دهوكێ ژی هه‌ڤخه‌م بوینه دگه‌ل زیانڤێكه‌فتیا، خوشبه‌ختانه چ زیانێن گیانی دڤێ رویدانا مه‌زن دا نه‌بوینه و هیڤیا سلامه‌تیێ بو برینداران دخازین.
له‌وما بو خه‌لكێ خویێ دلسوز رادگه‌هینین كو مه ئاهه‌نگا خو یا (26ێ) گولانێ یا كو ژڤان بوو ل 25/5 بهێته سازكرن، بهێته راگرتن وه‌كو ده‌ربرینا هه‌ڤخه‌میا خوو به‌رامبه‌ر خه‌لكێ شه‌ره‌فمه‌ندێ باژێرێ دهوكێ و ده‌نگێ خوو دئێخینه پال وان ژبۆ پشته‌ڤانی و گه‌هاندنا ده‌نگێ وان بو وجهێن به‌رپرس و بلند ل حكومه‌تا هه‌رێما كوردستانێ.
وداخازا لێبورینێ ژ خه‌لكێ خویێ باژێرێ دهوكێ و سێمێلێ دكه‌ین ئه‌ڤێن كو هاتینه ئاگه‌هدار كرن بو به‌شداریێ د ئاهه‌نگێ دا بكه‌ن./>
__2021_04_03_h23m18s5__JH.jpg)
