بیره‌وه‌ریا شوره‌شا 26 گولانێ ل كانی ماسێ هاته ساخكرن
كانی ماسێ- KDP.info/ بهه‌لكه‌فتا بیره‌وه‌ریا شوره‌شا 26 گولانا پێشكه‌فتن خواز و ل ژێر چاڤدێریا به‌رێز (فه‌ریق فاروق) به‌رپرسێ لقا 18 یا پارتی دیموكراتی كوردستان و ب ئاماده‌بونا شێخ (عمران بارزانی) نوینه‌رێ سه‌روك مه‌سعود بارزانی و چه‌ندین به‌رپرسێن حزبی و میری و پلە‌دارێن له‌شكه‌ری ری سپی و ماقویلێن ده‌ڤه‌رێ ته‌خ و توێژێن ئافره‌ت و قوتابی و لاوان نوینه‌رێن پارتێن سیاسی ئاهه‌نگه‌كا هونه‌ری یا قه‌شه‌نگ ل ده‌شتا دوورێ ل كانی ماسێ هاته سازكرن ئه‌ڤروكه رێكه‌فتێ 24 مه‌ها گولانێ .
ل ده‌ستپێكا ئاهه‌نگێ ئاماده‌بوی ده‌قیقه‌كێ ژ پیان ڤه راوه‌ستان رێزگرتن و وه‌فادری بو گیانێ پاكێ شه‌هیدان و سه‌ركاروانێ وان بارزانیێ نه‌مر و كاك ئدریسێ هه‌رده‌م ساخ، پاشێ په‌یڤا بخێر هاتنێ ژ لاێی (چاڤشین عمر) به‌رپرسێ لیژنا ناوچا كانی ماسێ هاته خاندن و په‌یڤا چاڤدێرێ ئاهه‌نگێ ژ لایێ (فه‌ریق فاروق) به‌پرسێ لقی 18 هاته خاندن، و داخاز ژ شێخ (عمران بارزانی) نوینه‌رێ سه‌روك (مه‌سعود بارزانی) هاته‌كرن بو خاندنا په‌یڤه‌كێ و رێزداری د په‌یڤا خوه دا ئاماژه دا رولێ ده‌ڤه‌را به‌رواری بالا د شوره‌شا گولانێ دا و ناڤێن چه‌ندین شه‌هیدێن قاره‌ما هاتن خاندن و ئاماژه ب رولێ وان یێ كاریگه‌ر هاته كرن، پاشێ بشكا دوویێ یا ئاهه‌نگێ هاته ده‌ستپێكرن ب به‌شداربونا هونه‌رمه‌ندێ شوره‌شگێر (شڤان په‌روه‌ر)، و هونه‌رمه‌ندان (دلنیا قه‌ره‌داغی و بلند ئیبراهیم و حاجی زاخویێ و رێكێش سه‌یرانی و ئه‌حمه‌د شنگاری) زێده‌باری به‌شدار بونا هه‌ردوو تیپێن ملی (بێتكار و راڤینا) یین داوه‌ت و دیلانێن فلكلوری ل دوماهیێ ئاهه‌نگ ب ده‌نگێ (شڤان په‌روه‌ری) ب دیلان و سه‌ما درێژێ پێ هاته دان، هه‌ر دڤێ ئاهه‌نگێ دا (٣٦) پێشمه‌رگێن شوره‌شا گولانێ یێن پلا به‌رپرسایه‌تیا رێكخراوێن له‌شكه‌ری وه‌رگرتی، وه‌ك رێزگرتنه‌ك بو خه‌باتا وان هاتن خه‌لاتكرن . و دیسان (١٣) كه‌سایه‌تی و لایه‌نێن هاریكار و پشته‌ڤان بو ئه‌نجام دانا ڤێ ئاهه‌نگێ هاتن خه‌لاتكرن ژ هه‌ژی ئاماژێ یه كو نێزیك 10 هزار كه‌سان به‌رهه‌ڤی ئاهه‌نگێ ببون .
__2021_04_03_h23m18s5__JH.jpg)
