بەرپرسێ لقا 18دگەل هژمارەکا تەخ وچینان ل سیریێ جڤیا

دسەرەدانا خودا بو کومەلگەها سیریێ هێژا فریق فاروق بەرپرسێ لقا 18ی پارتی دیموکراتی کوردستان دگەل تەخ وچینێن جودا جودا هژمارەکا کومبونان ئەنجامدان لروژا پینج شەمبی رێکەفتی 16-5-2013.

د بەردەوامییا بەرنامێ لقا 18دا ژبو سەرەدانا ناوچێن سنورێ لقا 18و چاڤپێکەفتن دگەل خەلکێ دەڤەرێ بو ژ نێزیک هایداربوون دور رەوشا دەڤەرێ ، شاندێ لقێ ب سەروکاتیا بەرپرسێ لقێ و ئەندامەتیا هژمارەکا کارگێر و کادران سەرا کومەلگەها شێلادزێ دا و هژمارەکا بزاڤ وچالاکیان ئەنجامدان .

ل دەستپێکێ دگەل کادرێن سنورێ لیژنا ناوچا شێلادزێ یا پارتی ل بارەگایێ لیژنێ کومبوو ، لدووڤدا بەرپرسێ لقێ سمینارەک پێشکێشی تەخ وچینێن جودا جودا یێن کومەلگەها سیریێ و گوندێن دەور وبەران کر و هەژمارەکا زانایێن ئاینی و ریهسپی و کەساتی و ماموستایان تێدا بەرهەڤبون ، رەوشا ئەڤرو یا عیراقێ ب گشتی وهەرێما کوردستانێ ب تایبەتی و هەلبژادنێن کوردستانێ کو بریارە د ئەف سالەدا بهێنە ئەنجامدان و پروسێسا ئاشتیێ ل تورکیا تەوەرێن سەرەکی یێن ڤێ سمینارێ بوون زێدەباری چەندین بابەتێن دی ، ل دوماهیێ بەرهەڤبوویان بوچون و پرسیارێن خو ئاراستەی بەرپرسێ لقێ کرن و بەرسڤ لسەر هەمیان هاتەدان .