لقێ ئێك پێشوازی ل شانده‌كێ حزبا دیموكراتا (بیت النهرین) دكه‌ت

دهوك-KDP.info/ ئه‌ڤرو سپێدێ ل باره‌گایێ لقێ ئێكێ پارتی به‌رێز(عبدالخالق بابیری)ئه‌ندامێ ئه‌نجوومه‌نێ سه‌ركردایه‌تیا پارتی دیموكراتی كوردستان و به‌رپرسێ لقێ ئێك پێشوازی ل شانده‌كێ حزبا دیموكراتا بێت نه‌هرێن ب سه‌روكاتیا(عامر حزیران) به‌رپرسێ لقێ دهوك یێ حزبا ناڤبری ل دهوكێ كر.
د روینشتنه‌كێ دا و وێرای بخێرهاتنێ ل شاندێ مێهڤان به‌رپرسێ لقێ ئێك خوشحالیا خو ده‌ربری بڤێ سه‌ره‌دانێ و دا دیاركرن كو خورتكرنا په‌یوه‌ندیێن دوو قولی به‌رهه‌مێ ڤان جوره‌ سه‌ره‌دانایه‌ دنافبه‌را حزب ولایه‌نێن سیاسی دا و هه‌روه‌سان(عبدالخالق بابیری) د ته‌وه‌ره‌كێ دیێ ڤێ روینشتنێ دا ته‌كه‌ز كره‌ سه‌ر پێكڤه‌ ژیانا هه‌می ئول و نه‌ته‌وه‌یێن كوردستانێ ب هه‌می پێكهاتێن خوڤه‌ بێی جیاوازیا ئاینی و نه‌ته‌وه‌یی و ره‌گه‌زی د میژوویا كوردستانێ دا ودسه‌رده‌مێ نوكه‌ دا ل هه‌رێما كوردستنانێ بویه‌ هێڤێنێ پاراستنا ماف و ده‌ستكه‌فتێن وان ئه‌ڤه‌ژی بویه‌ رویێ گه‌شێ هه‌رێمێ به‌رامبه‌ر جیهانێ و هه‌رێم بویه‌ نموونا پێكڤه‌ ژیانێ ل عێراقێ و سه‌رانسه‌ری جیهانێ و به‌رپرسێ لقێ دیاركر كو ئه‌ڤ كلتورێ لیبورینێ یێ (بارزانیێ نه‌مره‌) له‌ومان پارتی دیموكراتی كوردستان ئه‌ڤ كلتوره‌ بخو كریه‌ ئارمانجه‌كا سه‌ره‌كی و كار ژ بوو دكه‌ت.
هه‌روه‌سان(عبدالخالق بابیری) دڤێ روینشتنێ دا چه‌ند رونكرنه‌ك به‌ردانه‌ سه‌ر بارودوخێ سیاسی یێ عێراقێ و ب تاییبه‌تی یێ هه‌رێما كوردستانێ و دیاركر پاراستنا ره‌وشا نوكه‌ یا هه‌رێم تێدا د ستویێ هه‌ر تاكه‌كێ كورده‌ بێ بیروبوچونێن سیاسی.
وژلایێ خوڤه‌ شاندێ مێهڤان سوپاسیا لقێ ئێكێ پارتی كر بو ڤێ پێشوازیا گه‌رم و دیاركر كو مه‌ره‌م ژڤێ سه‌ره‌دانێ خورتكرنا په‌یوه‌ندیانا دگه‌ل لقێ ئێكێ پارتی و ژلایێ خوڤه‌ به‌رپرسێ لقێ هاریكاری و پشته‌ڤانیا خو بو هه‌ر كاره‌كێ پێتڤی دا دیاركرن