لقا 18 سالڤه‌گه‌را دامه‌زراندنا ئه‌نجومه‌نێ كلدانی سریانی ئاشوری پیروزدكه‌ت

لقێ 18 یێ پارتی دیموكراتی كوردستان د بروسكه‌كێدا شه‌شه‌مین سالڤه‌گه‌را دامه‌زراندنا ئه‌نجومه‌نێ كلدانی سریانی ئاشوری پیروزدكریه‌ و ئه‌ڤا ل خارێ ته‌كستا بروسكێ یه‌ :-

بهه‌لكه‌فتا بیره‌وه‌یا سالڤه‌گه‌را شه‌شێ یا دامه‌زراندنا ئه‌نجومه‌نێ هه‌وه‌ ل (15/5)، گه‌رمترین پیروباهیان ئاراسته‌ی هه‌وه‌ و هه‌می خویشك و برایێن كلدانی و سریانی و ئاشوری دكه‌ین.

كوردستان هه‌ر ژ كه‌ڤندا مه‌لبه‌ندێ پێكڤه‌ ژیانا ئاینی و نه‌ته‌وه‌یی بویه‌ و ئه‌ڤرو ژی سایا سه‌رێ خوینا گه‌شا شه‌هیدێن كوردستانێ و لبن سیبه‌را حكومه‌ت و په‌رله‌مانێ هه‌رێما كوردستانێ هه‌می كوردستانی دنا سه‌قایه‌كێ دیموكراسی و ئازاد دا ژیانا خو یا ئاسایی برێڤه‌ دبه‌ن. هیڤیا مه‌ ئه‌وه‌ ئه‌ڤ هه‌لكه‌فته‌ ببیته‌ هانده‌ره‌ك ژبو موكوم كرنا گیانێ لیبورینێ و ئێكتر قه‌بولكرنێ پێخه‌مه‌ت پێشڤه‌برنا ئه‌زمونا خه‌لكێ كوردستانێ یا دیموكراسی.

 

                                      لقا18  

                                 15/5/2013