كارمەندێن باژێرڤانیا دێرەلۆكێ دهێنە خەلاتكرن

دێرەلوك- KDP.info/ وەك رێزگرتنەك بۆ كارێ وان یێ پیرۆز سەنتەرێ دێر ەلۆك یێ رەوشەنبیری ب ئامادەبوونا ( بەهمەن ئەحمەد) رێڤەبەرێ ناحیا دێرەلۆك و (رەمەزان هورەیی) بەرپرسێ لژنا ناوچا دێرەلۆك یا پارتی و چەندین بەرپرسێن حزبی و حكومی و د رێ و رەسمەكێ دا رابو ب خەلاتكرنا 15 كرێكار و كارمەندێن باژێرڤانیا دێرەلۆك ل رۆژا سێ شەمبی 14/5/2013.

محمود نهێلی ئەندامێ سەنتەرێ دێرەلۆك یێ رەوشەنبیری بۆ kdp.info دیاركر، وەك رێزگرتنەك بۆ كارێ وان یێ پیروز و ئەرك و ماندیبوونا كارێكارێن باژێرڤانیا دێرەلۆك سەنتەرێ مە ئەڤ دیاریە ب سەر ڤێ تەخێ بەلاڤكرنە و گۆت: ( ئەڤ دیاریە بتنێ دیاریەكا رێزگرتنێ و رەمزی بوویە كو ب سەر 15 كرێكار و شوفێر و كارمەندێن باژێرڤانیا دێرەلۆك بەلاڤكرنە هەر چەندە دیاریەكا نەبەركەفتی بوویە و ناهێتە بەرامبەری وێ زەحمەتا ئەو دبەن بەلێ بۆ وێ یەكێ بوویە بۆ خەلكەكێ دیار بكەین كو ئەڤ تووژە گەلەك یا گرنگە دناڤ جڤاكێ دا و پێدڤیە ژلایێ هەر كەسەكێ رێزگرتن بۆ ڤێ تەخێ هەبیت).