لقێ ئێك كێشه‌یه‌كا خوینداریێ دناڤبه‌را دوو بنه‌مالان دا چاره‌سه‌ركر

ژبو پاراستنا ئێك رێزیا مییله‌تێ كورد پارتی دیموكراتی كوردستان هه‌ر ژ روژا دامه‌زراندنا خو هه‌تا نوكه‌ گرنگییه‌كا تاییبه‌ت دایه‌ ئێگرتنا جڤاكی و چاره‌سه‌ركرنا كێشێن جڤاكی دناف خه‌لكێ ده‌ڤه‌رێ دا ب رێیا په‌یره‌وكرنا كه‌لتورێ لێبورینی یێ رێبازا بارزنانیێ نه‌مر ل هولا باره‌گایێ نڤیسینگه‌ها كومه‌لایه‌تی یا سه‌ر ب لقێ ئێكێ پارتی ڤه‌ و ژ بزاڤ و چالاكیێن نڤیسینگه‌ها ناڤبری و ب چاڤدێریا به‌رێز(عبدالخالق بابیری)به‌رپرسێ لقێ ئێكێ پارتی و ئاماده‌بونا ژماره‌كا ریه سپی و كه‌سایه‌تیی و ماقویلێن ده‌ڤه‌رێ و ماموستایێن ئایینی كێشه‌یه‌كا جڤاكی دناڤبه‌را بنه‌مالێن(عبدالعزیز رشید سالح سیاری) و (سالح مجید زێباری)هاته‌ چاره‌سه‌ركرن كو ل سالا(1994)د رویدانه‌كا دلته‌زین دا هاولاتی(سربست عبدالعزیز سیاری)هاتبو كوشتن ب ده‌ستێ(جبار سلاح).
عبدالخالق بابیری دپه‌یڤه‌كێ دا بو هه‌ردوو بنه‌مال و ئاماده‌بوویان دا دیاركرن كو ژ ئارمانج و رێبازا پارتی كه‌لتورێ لێبورین و پێكڤه‌ ژیانێ یه‌ دناڤ كومه‌لگه‌هێ كوردی دا و سوپاسیا هه‌می وان جامێرو كه‌سایه‌تیان كر یێن بوینه‌ رێخوشكه‌ر بو دیتنا ڤێ چاره‌سه‌ریێ و پێك ئینانا هه‌ردوو بنه‌مالان داكو ئه‌ڤ كێشه‌ مه‌زنتر لێ نه‌هێت هه‌روه‌سان به‌رپرسێ لقێ سوپاسیا بنه‌مالا خودێ ژێ رازی كر كو بێ به‌رامبه‌ر ئاماده‌بوینه‌ بو كرنا ڤێ سولحێ هه‌روه‌سان د ته‌وه‌ره‌كێ دیێ په‌یڤا خودا گوت لقێ ئێك دێ به‌رده‌وام هه‌ولێن خو مه‌زێخت بو نه‌هێلان و چاره‌كرنا كێشێن مه‌ترسیدار ل سه‌ر ئێك رێزیا جفاكێ كوردی.