سه‌ربه‌ست له‌زگین: بۆچوونێن ماموستایێن ئاینی د پرس و بابه‌تێن گشتی دا ب گرنگ هه‌لدسه‌نگینین

دهوك- KDP.info/سه‌ربه‌ست له‌زگین به‌رپرسێ لقێ 8ێ پارتی دیموكراتی كوردستانئه‌ڤرۆ 8/5 پێشوازیا شێخ نیاز راغب به‌رپرسێ لقێ هه‌ولێر یێ ئێكه‌تیا زانایێن ئاینێ ئیسلامێ و شاندێ دگه‌ل دا كر.
د رینشتنه‌كێ دا كو رێڤه‌به‌رێ ئه‌وقاف و كاروبارێن ئایینی ل زاخۆ و به‌رپرسێ لقێ زاخۆ یێ ئێكه‌تیا زانایێن ئاینێ ئیسلامێ به‌رهه‌ڤببوون، شێخ نیاز راغب به‌رپرسێ لقێ هه‌ولێرێ دیار كر كو مه‌ره‌م ژ سه‌ره‌دانا وان بۆ ده‌ڤه‌را به‌هدینان ئه‌وه‌ ژ نێزیك هه‌ڤنیاسین و تێكه‌لبوون دناڤبه‌را ماموستایێن ئاینی دا دروست بیت و بۆ ڤێ ژی چه‌ندین دیدار و رینشتن دگه‌ل سازیێن میری و حزبی سازكرینه‌ و سوپاسیا لقێ 8ێ پارتی كر كو پێشوازیه‌كا گه‌رم ل شاندێ وان كری.
سه‌ربه‌ست له‌زگین به‌رپرسێ لقێ 8 ل زاخۆ خوشحالیا خۆ ب سه‌ره‌دانا زانایێن ئاینی بۆ زاخۆ ده‌ربری و دیار كر كو زانایێن ئاینی روله‌كێ گرنگ و كاریگه‌ر دناڤ جڤاكی دا دگێرن و ئه‌م ب ئومێدین كو به‌رده‌وام دێ ئه‌ركێ خۆ ب دلسوزی و وه‌فاداری ئه‌نجام ده‌ن ب تایبه‌تی ژی په‌یاما وان بۆ لێك نێزیكرنا ته‌خ و چینێن ده‌ڤه‌رێ و پێگڤه‌ژیانا براینی دناڤبه‌را نه‌ته‌وه‌ و ئولێن جودا یێن ده‌ڤه‌رێ دا له‌ورا هه‌رده‌م پارتی رێزه‌كا تایبه‌ت دایه‌ زانایێن ئاینی و به‌رده‌وام گوهداریا وان دكه‌ین و بۆچوونێن وان د پرس و بابه‌تێن به‌رژه‌وه‌ندا گشتی دا ب گرنگ هه‌لدسه‌نگینین.