به‌رپرسێ لقێ ئێك به‌شداری د ئاهه‌نگا كرێكاران دا كر

دهوك- KDP.info/ عبدالخالق بابیریئه‌ندامێ ئه‌نجومه‌نێ سه‌ركردایه‌تیا پارتی دیموكراتی كوردستان و به‌رپرسێ لقێ ئێكێ پارتی و ب سه‌روكاتیا شانده‌كی كویێ پێك هاتییبوو ژ ژماره‌كا كارگێرێن لقێ به‌شداری د ئاهه‌نگا جه‌ژنا كرێكارێن جیهانێ دا كر ئه‌وا هاتیه‌ رێكخستن ژ لایێ سه‌ندیكا كرێكارێن كوردستانێ لقێ دهوك ب مه‌ره‌ما ساخكرنا روژا كرێكارێن جیهانێ و كوردستانێ كو دكه‌ڤیته‌ (1)ی گولانێ ژ هه‌ر ساله‌كێ.
د په‌یڤه‌كێ دا به‌رپرسێ لقێ پیروزباهیێن خو و لقێ ئێك گه‌هاندنه‌ گشت ئاماده‌بوویان و هیڤی خواست كو ئه‌ڤ یاده‌ ببیته‌ پالده‌ر بو پتر داكوكی كرن ل مافێن ره‌وایێن كرێكاران و خوش كرنا ژین و ژیارا وان.هه‌ره‌وه‌سان عبدالخالق بابیری رول و خزمه‌ت و خه‌باتا كرێكارێن كوردستانێ د سه‌نگه‌رێن به‌رخودان و به‌رگریكرنێ دا ب مه‌زنی و جامێری ل قه‌له‌م دا ب تاییبه‌تی د شوره‌شا ئه‌یلوولا مه‌زن دا و دیاركر كو دڤێت په‌رله‌مان و حكومه‌ت مافێن كرێكاران دابین بكه‌ن ب رێكا هه‌مواركرن و راستڤه‌كرنا یاسا كارو كاروبارێن كومه‌لایه‌تی و ل دوماهیا په‌یڤا خودا به‌رپرسێ لقێ هاریكاری و پشته‌ڤانیا خو بو هه‌ر جوره‌ هاریكاریه‌كا پێتڤی دا دیاركرن بو ته‌خا پاله‌و كرێكارو جوتیاران.