لقا 18 سەرسالا دهوک تی ڤی پیروزدکەت

ب هەلکەفتا سالڤەگەرا دامەزراندنا تیلەفزیونا دهوک (duhok tv.)  لقا 18 - پارتیا دیموکراتا کوردستانێ بروسکەکا پیروزباهیێ بەلاڤکریە ، تێدا بورینا  21سالان ژ ژیێ ڤی دەزگەهی ل رێڤەبەری و تەڤایا کارمەندان و تەماشەڤانان پیروزکریە وئەڤا ل خارێ تەکستا وێ یە :-

ب هه‌لكه‌فتا سالڤه‌گه‌را دامه‌زراندنا تیله‌فزیونا دهوك ب ناڤێ لقا 18 و جه‌ماوه‌رێ ده‌ڤه‌را ئامێدیێ گه‌رمترین پیروزباهیێن خو ئاراسته‌ى هه‌مى كادر و كارمه‌ندێن ڤێ تیله‌فزیونا خه‌باتكه‌ر دكه‌ین.

تێله‌فزیونا دهوك دهێته‌ هژمارتن ئێك ژ سازیێت گرنگێن راگه‌هاندنێ ل ده‌ڤه‌را به‌هدینان و ڤێ تێله‌فزیونێ دكاروانێ خو یێ بێ راوستیانێ خه‌باتێ دا خزمه‌ته‌كا مه‌زن پێشكێشى  میدیایا كوردستانێ كریه‌ و دهێته‌ هژمارتن ب خاندنگه‌هه‌كا راگه‌هاندنێ ل ده‌ڤه‌را مه‌ و شیایه‌ ب راستگویانه‌ سه‌ره‌ده‌ریێ دگه‌ل هه‌مى رویدان و پێشهاتان بكه‌ت و ئێك بوویه‌ ژوان سازیان یێت كو شیایى كارتێكرنه‌كا مه‌زن دگوهورینا جڤاكى دا بكه‌ت و دیسان خاندنگه‌هه‌ك بوویه‌ بو زمان و چاندا كوردى ل ده‌ڤه‌رێ و دڤى واریدا ب ده‌هان كادرێن هێژا پێگه‌هاندینه‌ كو ئه‌ڤرو روله‌كێ مه‌زن دمیدیایا ده‌ڤه‌رێ دا دگێرن، و ئه‌ڤرو ژى مل ب ملێ هه‌مى سازیێت دیترێت میدیایێ ب ئه‌خلاقه‌كێ بلندێ میدیایى خه‌باتا خو ددومینیت و ل وێ هیڤیێ ینه‌ كو روَژه‌ك بهێت ئه‌ڤ تیله‌فزیونه‌ ببیته‌ كه‌ناله‌كێ ئه‌سمانى و هه‌مى كوردستانى ب دیتنا وى شاد ببین.

دوباره‌ پر ژدل پیروزیێن خو دگه‌هینینه‌ هه‌مى كادر و كارمه‌ند و ته‌ماشه‌ڤانێت ڤێ تیله‌فزیونا خه‌باتكه‌ر

 

 

                                                      لقا 18

                                      پارتیا دیموكراتا كوردستانێ

                                             3-5-2013